«اتامەكەن» ۇكپ جۇرگىزگەن زەرتتەۋ ناتيجەسىندە ەلدەگى اۋتسايدەر ۋنيۆەرسيتەتتەردىڭ ءتىزىمى جاريالاندى, دەپ حابارلايدى Egemen.kz
ءبىلىم جانە عىلىم مينيسترلىگىنىڭ تاپسىرىسىمەن «اتامەكەن» ۇكپ ءۇش جىل قاتارىنان جوعارى وقۋ ورىندارى ءبىلىم بەرۋ باعدارلامالارىنىڭ رەيتينگىن جۇرگىزىپ كەلەدى. رەيتينگ «تۇلەكتەردىڭ ماڭساپتىق پەرسپەكتيۆاسى», ء«بىلىم بەرۋ باعدارلاماسىنىڭ ساپاسى» جانە ء«بىلىم الۋشىلاردىڭ جەتىستىكتەرى» اتتى ءۇش بلوكتى قامتيتىن 17 كريتەري نەگىزىنە جۇرگىزىلەدى. 2020 جىلى زەرتتەۋ شەڭبەرىندە 2 مىڭ ءبىلىم بەرۋ باعدارلاماسى قامتىلدى, 68 مىڭ تۇلەكتىڭ جۇمىسقا تۇرۋىنا تالداۋ جاسالدى.
«اتامەكەن» ۇكپ ادامي كاپيتالدى دامىتۋ جونىندەگى دەپارتامەنت ديرەكتورى ازامات بەيسەمبينوۆ: «قىزىقتى جايت بار: رەيتينگتە ءبىز باكلاۆرياتتى سارالادىق, بارلىعى 68 مىڭ تۇلەككە زەرتتەۋ جۇرگىزىلدى. سونىڭ ىشىندە 12 پايىزى ماگيستراتۋرادا ءبىلىم جالعاستىردى, قالعانى نارىققا كەتكەن. بارلىق باعدارلامالار بويىنشا جۇمىسپەن قامتۋ كورسەتكىشى 71%, ال ەڭبەكپەن قامتىلۋدىڭ جوعارى پايىزىن «دەنساۋلىق ساقتاۋ» جانە «مەديتسينا» سالاسىنىڭ تۇلەكتەرى كورسەتىپ وتىر. ول 81 پايىزدى قۇرادى», دەدى ول.
قازاقستاننىڭ بارلىق وڭىرلەرىنەن 600-دەن استام ساراپشى قاتىسىپ, ناتيجەسىندە 108 ۋنيۆەرسيتەت بويىنشا 6 مىڭ ساراپتامالىق قورىتىندى شىعارىلدى. تۇلەكتەردىڭ ەڭبەكپەن قامتىلۋى بويىنشا ەڭ ناشار ۋنيۆەرسيتەتتەردىڭ ءتىزىمى مىناداي:
1. «سىرداريا» ۋنيۆەرسيتەتى
2. شىمكەنت ۋنيۆەرسيتەتى
3. حالىقارالىق گۋمانيتارلىق-تەحنيكالىق ۋنيۆەرسيتەتى
4. «استانا» ۋنيۆەرسيتەتى
5. تاراز يننوۆاتسيالىق گۋمانيتارلىق ۋنيۆەرسيتەتى
6. اكادەميك ا.قۋاتبەكوۆا حالىق دوستىعى ۋنيۆەرسيتەتى
7. شەت تىلدەرى جانە ىسكەرلىك ماڭساپ ۋنيۆەرسيتەتى
8. قازاق-ورىس حالىقارالىق ۋنيۆەرسيتەتى
9. «بولاشاق» ۋنيۆەرسيتەتى, قىزىلوردا قالاسى
10. «اقمەشىت» گۋمانيتارلىق-تەحنيكالىق ينستيتۋتى