ماڭعىستاۋ وبلىسىندا پاترۋلدىك پوليتسيا قىزمەتكەرلەرى جول قوزعالىسى ەرەجەلەرىن بۇزعان 80 مىڭنان استام جۇرگىزۋشىنى انىقتادى, دەپ حابارلايدى Egemen.ءkz ىىم سىلتەمە جاساپ.
جۇرگىزۋشىلەر جولدا ءتۇرلى قۇقىق بۇزۋشىلىقتارعا جول بەرىپ جاتادى, ولار ۇساق قۇقىق بۇزۋشىلىقتاردان باستاپ, باعدارشامنىڭ قىزىل تۇسىنە ءوتۋ جانە ماساڭ كۇيدە كولىك جۇرگىزۋ سەكىلدى ورەسكەل قۇقىق بۇزۋشىلىقتار بولىپ تابىلادى.
2020 جىلدىڭ 12 ايىندا ماڭعىستاۋ وبلىسىنىڭ پاترۋلدىك پوليتسيا ينسپەكتورلارى 80 227 اكىمشىلىك حاتتاما تولتىرىپ, ونىڭ ىشىندە كولىك قۇرالىن باسقارۋ كەزىندە ۇيالى تەلەفون پايدالانعان 10 684 جۇرگىزۋشى, قاۋىپسىزدىك بەلدىكتەرىن تاقپاعان 16 259 جۇرگىزۋشى جاۋاپكەرشىلىككە تارتىلدى. بۇدان باسقا جۇرگىزۋشى كۋالىگىنسىز جۇرگەن 8 298 جۇرگىزۋشىگە قاتىستى اكىمشىلىك حاتتاما تولتىرىلدى. باعدارشامنىڭ تىيىم سالىنعان تۇسىنەن 1 704 جۇرگىزۋشى ءوتىپ, قارسى قوزعالىس جولىنا 696 جۇرگىزۋشى شىققان. جىلدامدىقتى اسىرعان جۇرگىزۋشىلەر سانى – 1 295, بۇل كورسەتكىش 2019 جىلمەن سالىستىرعاندا 70%-عا ازايدى. سونداي-اق جۇرگىزۋشىلەر جولدا باسقا دا كوپتەگەن قۇقىق بۇزۋشىلىقتارعا جول بەرەدى.
پوليتسيا قىزمەتكەرلەرى جاياۋ جۇرگىنشىلەرگە اۋا رايى قولايسىز كەزدە جانە قاراڭعى ۋاقىتتا مۇقيات بولۋ كەرەكتىگىن ەسكەرتەدى. سونداي-اق جۇرگىزۋشىلەرگە جاياۋ جۇرگىنشىلەر وتكەلدەرى الدىندا جىلدامدىقتى ازايتۋ قاجەت ەكەندىگىن, اسىرەسە بالالاردىڭ كۇتپەگەن جەردەن جولعا شىعۋ ىقتيمالدىعى جوعارى ەكەندىگىن ەسكە سالادى.
وڭىردە وتكەن جىلى جاياۋ جۇرگىنشىلەردى وتكىزبەگەنى ءۇشىن 1 471 اۆتوكولىك جۇرگىزۋشىسى جاۋاپكەرشىلىككە تارتىلعان. 2020 جىلى 7 644 جاياۋ جۇرگىنشىگە ايىپپۇل سالىنعان.
جول-كولىك وقيعالارىنىڭ الدىن الۋ جانە قۇقىقتىق ساۋاتتىلىقتى ارتتىرۋ ماقساتىندا پاترۋلدىك پوليتسيا باتالونىنىڭ قىزمەتكەرلەرى جول قوزعالىسىنىڭ بارلىق قاتىسۋشىلارىنىڭ اراسىندا ءتۇسىندىرۋ جۇمىستارىن جۇرگىزىپ تۇرادى.