الماتى قالاسىنىڭ اكىمى باقىتجان ساعىنتاەۆتىڭ تاپسىرماسى بويىنشا شاھاردا العاشقى بولىپ جەتىسۋ اۋدانىندا «شىڭعا ورلەۋ» الەۋمەتتىك كلۋبى اشىلدى. جوبانىڭ ماقساتى - باستاۋىش سىنىپتاردا وقيتىن كوپ بالالى جانە از قامتىلعان وتباسىلاردان شىققان بالالاردى دامىتۋ جانە وقىتۋ. بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن بريفينگتە جەتىسۋ اۋدانىنىڭ اكىمى گۇلنار كوكەباەۆا ايتتى, دەپ حابارلايدى Egemen.kz.
«شىڭعا ورلەۋ» كلۋبىندا بەينەلەۋ ونەرى ۇيىرمەسى, ەمدىك دەنە شىنىقتىرۋ, اكتەرلىك شەبەرلىك ۇيىرمەسى, ۆوكالدىق ۇيىرمە, دويبى جانە شاحمات, دومبىرا ۇيىرمەسى, بي ۇيىرمەسى, وزىندىك دايىندىق ساعاتتارى سياقتى ۇيىرمەلەر جۇمىس ىستەيدى. جىلدىق قامتۋ 240 بالانى قۇرايدى.
«جەتىسۋ اۋدانىندا 3 دەنە شىنىقتىرۋ-ساۋىقتىرۋ كەشەنىن اشۋ ماسەلەسى قالا اكىمىنىڭ ەرەكشە باقىلاۋىندا تۇر. اتاپ ايتقاندا, ولار قۇلاگەر شاعىن اۋدانىندا اۋماعى 7,5 مىڭ ش.م. جانە جوبالىق قۋاتى ءبىر اۋىسىمدا 150 ادام قابىلدايتىن باسسەينى بار, اينابۇلاق شاعىن اۋدانىندا اۋماعى 4,5 مىڭ ش.م. جانە جوبالىق قۋاتى ءبىر اۋىسىمدا 100 ادام, كەمەل شاعىن اۋدانىندا اۋماعى 2,5 مىڭ ش.م. جانە جوبالىق قۋاتى ءبىر اۋىسىمدا 94 ادام قابىلداي الاتىن باسسەيندەرى بولادى. قازىردىڭ وزىندە ەكەۋى بويىنشا قۇرىلىس باستالۋدا. ءۇش دەنە شىنىقتىرۋ-ساۋىقتىرۋ كەشەنىن اعىمداعى جىلدىڭ سوڭىنا دەيىن اشۋ جوسپارلانۋدا», - دەپ حابارلادى اۋدان اكىمى.
بالالار مەن جاسوسپىرىمدەر سپورتىن قولداۋ ءۇشىن «اينابۇلاق جەكپە-جەك ورتالىعى» اشىلدى, وندا 6 جاستان 18 جاسقا دەيىنگى بالالار تەگىن جاتتىعا الادى. بيىلعى جىلى سونىمەن بىرگە, اۋداننىڭ باسقا 3 شاعىن اۋداندارىندا: كوكجيەك, كوكمايسا, قۇلاگەردە وسىعان ۇقساس جەكپە-جەك ورتالىقتارىن پايدالانۋعا بەرۋ جوسپارلانىپ وتىر.
حالىقتىڭ الەۋمەتتىك وسال توپتارىنان شىققان بالالاردى سپورتقا تارتۋ ماقساتىندا اۋداندا 7 جاستان 18 جاسقا دەيىنگى بالالارعا ارنالعان تەگىن فۋتبول جانە ۆولەيبول سەكتسيالارىنىڭ جوباسى ىسكە اسىرىلدى. تەگىن فۋتبول مەن ۆولەيبولدان جىلدىق قامتۋ 400 بالانى قۇرايدى.
2020 جىلدىڭ تامىز ايىندا «رۋحاني جاڭعىرۋ» باعدارلاماسى اياسىندا جۇزەگە اسىرىلعان «دومبىرا مەكتەبى» اشىلدى, ونىڭ ماقساتى 6 جاستان 18 جاسقا دەيىنگى بالالاردى جىل بويى تەگىن دومبىرا ويناۋعا ۇيرەتۋ بولىپ تابىلادى. قازىرگى ۋاقىتتا مەكتەپتە 200-گە جۋىق بالا وقيدى.
بالالاردىڭ بوس ۋاقىتىن وتكىزەتىن نىسانداردى اشۋ بويىنشا جۇمىس جالعاساتىن بولادى. وسى جىلى كوكمايسا شاعىن اۋدانىندا بالالار شىعارماشىلىعى ورتالىعىن اشۋ جوسپارلانۋدا, وندا حورەوگرافيا جانە مۋزىكا ۇيىرمەلەرى, ءتىل ۇيرەتۋ كۋرستارى جانە زەينەتكەرلەرگە ارنالعان كابينەت ۇيىمداستىرىلادى.
«2020 جىلى قالا اكىمىنىڭ تاپسىرماسى بويىنشا 4-ءشى اينابۇلاق شاعىن اۋدانىندا № 24 كىتاپحاناعا كۇردەلى جوندەۋ جۇرگىزىلدى. جوندەۋدەن كەيىن ءۇي-جاي زاماناۋي جيھازبەن جابدىقتالعان, وزىنە-ءوزى قىزمەت كورسەتۋ بۇرىشى ورناتىلعان, ينتەرنەتكە قول جەتكىزۋ ايماعى ۇيىمداستىرىلعان», دەيدى جەتىسۋ اۋدانىنىڭ اكىمى.