اتىراۋ وبلىسىندا كوروناۆيرۋس ينفەكتسياسىنا شالدىققانداردىڭ دەنى تەڭىز كەنىشىندە انىقتالىپ وتىر. وتكەن تاۋلىكتە كەن ورنىنداعى 144 جۇمىسشى كوروناۆيرۋس جۇقتىردى, دەپ حابارلايدى Egemen.kz
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنە سۇيەنسەك, وتكەن تاۋلىكتە 149 ادامنان كوروناۆيرۋس پتر-تەست ارقىلى انىقتالدى.
«ناۋقاستاردىڭ باسىم بولىگى, ياعني 144 جۇمىسشى تەڭىز كەنىشىندە جۇمىس ىستەيدى. اتىراۋ قالاسىندا 4, جىلىوي اۋدانىندا 1 ادام كوروناۆيرۋسقا شالدىقتى. كوروناۆيرۋس 25 ناۋقاستا سيمپتومدى تۇردە وتۋدە. وتكەن تاۋلىكتە كوروناۆيرۋس ينفەكتسياسىنان 43 ادام ساۋىعىپ شىقتى» دەپ ءمالىم ەتتى باسقارمانىڭ ءباسپاسوز قىزمەتىنەن.
ءۇي جاعدايىندا ەمدەلىپ جاتقان 290 ادام بار. بۇدان بولەك, وبلىستىق ينفەكتسيالىق ستاتسيوناردا 91, اۋداندارداعى ستاتسيونارلاردا 38 ناۋقاس ەمدەلۋدە. تەڭىز كەنىشىندەگى ينفەكتسيالىق ستاتسيوناردا 778 ادام جاتىر.