يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ توراعاسى سايرانبەك بارماقوۆ «قازاۆتوجول», «جول اكتيۆتەرىنىڭ ۇلتتىق ساپا ورتالىعى» جانە «قازاقاۆتوجولدىڭ» پاۆلودار جانە شىعىس قازاقستان وبلىستارىنداعى فيليالدارىنىڭ ۇجىمدارىمەن كەزدەستى.
جيىن بارىسىندا 2020 جىلدىڭ قۇرىلىس ماۋسىمى بويىنشا قورىتىندى شىعارىلدى. ماسەلەن, پاۆلودار وبلىسىنداعى «نۇر-سۇلتان – پاۆلودار» رەسپۋبليكالىق تاس جولىندا رەكونسترۋكتسيالاۋ جۇرگىزىلدى. اتالعان وبلىستا كۇردەلى جوندەۋ 44 شاقىرىم جولدا ىسكە اسقان. ال 76,5 شاقىرىمى ورتاشا جوندەۋدەن ءوتتى. سونداي-اق وبلىستاعى جەرگىلىكتى جولداردا دا اۋقىمدى جۇمىس اتقارىلۋدا.
شىعىس قازاقستان وبلىسىندا بيىل «قالباتاۋ-مايقاپشاعاي», «تالدىقورعان – وسكەمەن», «وسين اسۋى» اۆتوموبيل جولدارىن قالپىنا كەلتىرۋ جۇمىستارى جۇزەگە استى. بۇدان بولەك, «اششىسۋ ارقىلى», «سەمەي – قاينار», «وسكەمەن – التاي – ۇلكەن نارىن – كاتونقاراعاي – راحمان قاينارى», «قاراعاندى – اياگوز – تارباعاتاي – بوعاز» تاس جولدارى دا جوندەۋدەن ءوتتى.
كوميتەت توراعاسى بيىل جولشىلار ۇلكەن جۇمىس اتقارعانىن, كەلەسى جىلى دا وڭىرلەردە اۋقىمدى جوبالار ىسكە اساتىنىن العا تارتتى. مىسالى, شىعىس قازاقستان وبلىسى كۇرشىم اۋدانىندا بۇقتىرما سۋ قويماسى ارقىلى كوپىر وتكەلىن سالۋ جوسپارلانعان. سونداي-اق «شار – باقىرشىق», «ومبى – مايقاپشاعاي – شىلىكتى – اقجار», «وكتيابر وتكەلى – التاي – نوۆو-حايرۋزوۆ» جانە «مانات اۋىلىنا بارار جول» اۆتوجولدارىنا ورتاشا جوندەۋ جۇرگىزۋ كوزدەلىپ وتىر.
كوميتەت جەتەكشىلىگىنىڭ ەل ايماقتارىنداعى ۆەدومستۆولىق باعىنىستى جانە اۋماقتىق بولىمشەلەر ۇجىمدارىمەن كەزدەسۋلەرى جالعاسادى.