ءىىم مەرەكە قارساڭىندا قاۋىپسىزدىك شارالارىن كۇشەيتەدى

ىشكى ىستەر ءمينيسترى ەرلان تۇرعىمباەۆتىڭ بۇيرىعىنا سايكەس الداعى مەرەكەلەر قارساڭىندا قازاقستاننىڭ ىشكى ىستەر ورگاندارىنىڭ جەكە قۇرامى كۇشەيتىلگەن قىزمەت تۇرىنە اۋىستىرىلادى. پوليتسيا قۇقىقتىق ءتارتىپتى, ازاماتتاردىڭ قاۋىپسىزدىگى مەن تىنىشتىعىن قامتاماسىز ەتۋ, سونداي-اق قۇقىق بۇزۋشىلىقتار مەن قىلمىستاردىڭ الدىن الۋ بويىنشا ءىس-شارالار كەشەنىن جۇرگىزەدى.

قۇقىق بۇزۋشىلىقتار تۋرالى حابارلامالارعا جەدەل دەن قويۋ ءۇشىن مەرەكە كۇندەرى پوليتسيا اۆتوپاترۋلدەرىنىڭ, كوشەلەردەگى پوليتسيا جاياۋ ناريادتارىنىڭ سانى ارتادى.

جول ءجۇرىسى قاۋىپسىزدىگىن قامتاماسىز ەتۋ بويىنشا قوسىمشا شارالار قابىلدانىپ جاتىر. جازاتايىم وقيعالاردىڭ الدىن الۋ ءۇشىن سەرتيفيكاتتالماعان پيروتەحنيكالىق ءونىمدى ساتۋعا جول بەرمەۋ ماقساتىندا تەكسەرۋلەر جۇرگىزىلەدى. ولاردى پايدالانۋ كەزىندە ساقتىق شارالارىن قاتاڭ ساقتاۋ قاجەت. مەرەكە قارساڭىندا ءىىم تۇرعىنداردى كارانتين شارالارى مەن دەنساۋلىق ساقتاۋ ۇيىمدارىنىڭ ۇسىنىستارىن قاتاڭ ۇستانۋعا, قوعامدىق ءتارتىپتى ساقتاۋعا, ءوز م ۇلىكتەرىنە ساق بولۋعا شاقىرادى.

قالتا ۇرلىعىنا جول بەرمەۋ ءۇشىن قۇندى زاتتاردى كوزگە كورىنەتىن جەرگە قويماڭىز, ءامياندارىڭىزدى كيىمنىڭ ىشكى قالتاسىنا سالىڭىز. وسى ورايدا ءىىم ۇسىنىسىن ەستە ساقتاعان ءجون.

اتاپ ايتقاندا, مەرەكە كۇندەرى بارلىق ەسىكتەردى ق ۇلىپپەن جابۋ كەرەك. قوناققا كەتكەن كەزدە كورشىلەرگە ءۇيىڭىزدى قاراپ قويۋدى تاپسىرىپ قويعان ءجون. ەگەر كىرەبەرىستە ەسىكتى اشۋعا تىرىسىپ جاتقان بەيتانىس ادامدى كورسەڭىز, پوليتسياعا قوڭىراۋ شالۋ قاجەت.

پاتەرگە از تانيتىن جانە بەيتانىس ادامداردى كىرگىزۋگە بولمايدى. زاتتارىڭىزدى ءاۆتوموبيلدىڭ جۇكسالعىشىنا سالىپ جاتقان كەزدە, سومكەلەردى سالوندا قاراۋسىز قالدىرماڭىز. كولىكتى تۇراققا قالدىرعان كەزدە, ەسىكتەر مەن تەرەزەلەردىڭ جابىق ەكەنىن تەكسەرىڭىز. جاڭا جىل الدىنداعى اكتسيالار كەزىندە ينتەرنەت-الاياقتىق كوبەيەدى.

ونلاين ساتىپ الۋ كەزىندە تەكسەرىلگەن سايتتاردى پايدالانىڭىز. فيشينگتىك سايتتاردىڭ قۇربانى بولماۋ ءۇشىن سايتتىڭ مەكەنجاي جولاعىندا دۇرىس جازىلۋىنا نازار اۋدارىڭىز. جاراقات پەن ءورتتىڭ الدىن الۋ ءۇشىن پيروتەحنيكانى پايدالانۋ كەزىندە قاۋىپسىزدىك ەرەجەلەرىن ساقتاۋ قاجەت.