بۇگىن قوستاناي وبلىستىق پوليتسيا دەپارتامەنتىنىڭ باستىعى بەكەت ايماعامبەتوۆ ءوڭىر تۇرعىندارمەن ونلاين كەزدەسۋ وتكىزدى. جالپى, جىل باسىنان بەرى وبلىستىڭ 500-دەن استام تۇرعىنى دەپارتامەنت باسشىسىنىڭ تىكەلەي قابىلداۋىندا بولعان, دەپ حابارلايدى Egemen.kz.
- ء اربىر ءوتىنىش, ساۋالدىڭ ارتىندا ادامنىڭ تاعدىرى تۇرادى. سوندىقتان ازاماتتاردان كەلىپ تۇسكەن بارلىق ساۋالدار مۇقيات تەكسەرىلىپ, باقىلاۋعا الىنادى. بۇگىنگى كەزدەسۋدە تۇرعىندار ءبىرتالاي قوعامدىق ماسەلەلەردى كوتەردى. مىسالى, تاتيانا نۇرماعامبەتوۆا دزەرجينسكي كوشەسىندە اعاشتاردى زاڭسىز كەسۋ ارەكەتىنە قاتىستى ءتيىستى شارالار قابىلداۋدى سۇرادى, - دەدى ب. ايماعامبەتوۆ.
دەپارتامەنت باسشىسى جىلدان جىلعا ازاماتتاردىڭ قاۋىپسىزدىگى مەن جول قوزعالىسىنا قاتىستى ۇسىنىستار سانى دا ءوسىپ كەلە جاتقانىن اتاپ ءوتتى.