اتىراۋدا تۇرعىنداردىڭ 300 ملن تەڭگەسىن الاياققا بەرگەنى انىقتالىپ وتىر, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆتىڭ ايتۋىنشا, الاياقتىقپەن بايلانىستى قىلمىستىڭ سانى ارتقان. ماسەلەن, بيىلعى جىل باسىنان بەرى الاياقتىق قىلمىسىنىڭ تەك اسا ءىرى مولشەردە كەلتىرىلگەن زالال تۇرىنە قاتىستى 10-عا جۋىق دەرەگى تىركەلدى.
«ال جەلتوقسان ايىندا پوليتسيا دەپارتامەنتىنە تۇرعىنداردان جاۋاپكەرشىلىگى شەكتەلگەن سەرىكتەستىكتىڭ ءبىرىنىڭ ديرەكتورىنا قاتىستى 40-تان استام ارىز ءتۇستى. ارىز بەرۋشىلەر سەرىكتەستىك ديرەكتورىنىڭ اي سايىنعى پايىزدىق مولشەرلەمەمەن اقشا قاراجاتىن (اكتيۆتەردى) اينالىسقا سالۋدى ۇسىنعان الاياقتىق ارەكەتى تۋرالى شاعىمداندى. جابىرلەنۋشىلەرگە 300 ميلليون تەڭگەگە جۋىق ماتەريالدىق زالال كەلتىرىلگەنى انىقتالدى. قازىر اتالعان سەرىكتەستىككە قاتىستى وسى تەكتەس ارىزداردىڭ ءتۇسۋى جالعاسىپ جاتىر», -دەيدى دەپارتامەنت باستىعى قامزا ۇمبەتقاليەۆ.