قاراعاندىدا "ارسەلورميتتال" كومپانياسى جالپى قۇنى 35 ميلليون تەڭگە بولاتىن 200 كونتسەنتراتوردى تەمىرتاۋ ورتالىق اۋرۋحاناسىنا تاپسىردى, دەپ حابارلايدى Egemen.kz. بۇل تۋرالى وبلىس اكىمدىگىنىڭ ءباسپاسوز قىزمەتى مالىمدەدى.
كونتسەنتراتورلاردىڭ ونىمدىلىگى مينۋتىنا 5 ليتر تازا وتتەگىنى قۇرايدى. اپپاراتتا ءبىر قۇرىلعىنى ەكى ناۋقاسقا ءبولۋ مۇمكىندىگى بار. بۇگىنگى تاڭدا ورتالىق اۋرۋحانادا ءبىر ۋاقىتتا 500 ناۋقاستى وتتەگى كوزىنە قوسۋعا بولادى. وتتەگى كونتسەنتراتورلارى قالالىق اۋرۋحانالار اراسىندا تاراتىلادى.
قاراعاندى وبلىسىنىڭ اكىمى جەڭىس قاسىمبەك وڭىردەگى ەپيدەميولوگيالىق احۋال بۇگىنگى كۇنى تۇراقتى ەكەنىن اتاپ ءوتتى.
«وبلىستا 44 ينفەكتسيالىق گوسپيتال اشىلدى. ولاردىڭ تەك 17-ءسى جۇمىس ىستەيدى, قالعانى ساقتالادى. تەحنيكالىق جاعىنان مەديتسينالىق ۇيىمدار تولىق جابدىقتالعان. كومپيۋتەرلىك توموگرافتاردىڭ قاجەتتى سانى, رەنتگەن اپپاراتتارى, وتتەگى كونتسەنتراتورلارى, سونداي-اق 600 ءوجج بار. ونىڭ ىشىندە قازىرگى تاڭدا كۆي بار پاتسيەنتتى ەمدەۋگە تەك بىرەۋى عانا تارتىلعان», دەپ اتاپ ءوتتى قاسىمبەك.
ءوڭىر باسشىسىنا جاڭا رەنتگەن اپپاراتى, ۋرولوگيالىق جانە پۋلمونولوگيالىق بولىمشەلەر تانىستىرىلدى. پۋلموپروۆيزور كەشەنىنىڭ قۋاتى – 36 توسەك. پالاتالاردا مەديتسينالىق گازدارمەن قامتاماسىز ەتۋدىڭ ورتالىقتاندىرىلعان جۇيەسىن قوسۋ نۇكتەلەرى شىعارىلدى, سانيتارلىق توراپ جابدىقتالدى.
ۋرولوگيا بولىمىندە وساكاروۆ, بۇقار جىراۋ جانە نۇرا اۋداندارىنىڭ تۇرعىندارىنا مامانداندىرىلعان مەديتسينالىق كومەك كورسەتىلەدى.