قازاقستاندا پارلامەنت ءماجىلىسى مەن ءماسليحاتتار دەپۋتاتتارىنىڭ كەزەكتى سايلاۋى 2021 جىلى 10 قاڭتاردا وتەدى.
بەلسەندى سايلاۋ قۇقىعىنا يە, سايلاۋ كۇنى 18 جاسقا تولعان قازاقستان ازاماتتارى ءوز تاڭداۋىن جاساي الادى.
داۋىس بەرۋ جەرگىلىكتى اتقارۋشى ورگاندار سايلاۋ ۋچاسكەسىنىڭ اۋماعىندا تىركەلگەن تۇرعىلىقتى جەرى بويىنشا قۇراتىن سايلاۋشىلار تىزىمدەرى بويىنشا جۇزەگە اسىرىلادى. سوندىقتان ءسىزدىڭ سايلاۋ ۋچاسكەڭىزدى الدىن-الا ءبىلۋ ماڭىزدى.
مۇنى جسن, تەگى, اتى, اكەسىنىڭ اتى جانە تۋعان كۇنى نەمەسە سايلاۋشى تىركەلگەن وبەكتىنىڭ (كوشە, ءۇي) مەكەن-جايىن كورسەتە وتىرىپ, كەلەسى قىزمەتتەر ارقىلى جۇزەگە اسىرۋعا بولادى:
1. اكىمدىكتىڭ astana.gov.kz ۆەب-پورتالى. («astana.gov.kz/ru/polling/poisk-izbiratelnogo-uchastka» باستى بەتتە ء«وز سايلاۋ ۋچاسكەڭدى تاپ» باننەرىن نۇقىڭىز);
2. Smart Astana ءموبيلدى قوسىمشاسى («قالالىق قىزمەتتەر» بولىمىندە);
3. @smartastana_bot تەلەگرام-بوتى ارقىلى(«قىزمەتتەر» بولىمىندە).
بۇل بايلانىس ارنالارى ارقىلى سايلاۋ ۋچاسكەسىنىڭ ءنومىرىن, ورتالىقتىڭ مەكەن-جايى مەن اتاۋىن, سونداي-اق كارتادا سايلاۋ ۋچاسكەسى ورنالاسقان جەرىندىڭ بەلگىسىن بىلۋگە بولادى.
سونداي-اق ينتەرنەتكە كىرە المايتىن ادامدار ءۇشىن iKomek 109 بىرىڭعاي بايلانىس ورتالىعى جۇمىس ىستەيدى. وسى تەلەفون نومىرىنە قوڭىراۋ شالۋ ارقىلى ازاماتتار ءوز ۋچاسكەسىن تابا الادى.
ەستەرىڭىزگە سالا كەتەيىك, ەلوردادا سايلاۋ قارساڭىندا «بەلسەندى سايلاۋشى» اكتسياسى باستالدى, ونىڭ ناتيجەلەرى 5 قاڭتاردا شىعارىلادى. اكتسيا شارتتارىنا سايكەس, سايلاۋ ۋچاسكەلەرىن ونلاين-قىزمەتتەر ارقىلى تەكسەرگەن ءاربىر بەس مىڭىنشى قولدانۋشى ەستەلىك سىيلىقتارعا يە بولادى.