«حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ ماقساتىندا شىعىس قازاقستان وبلىسىنداعى حالىققا قىزمەت كورسەتۋ ورتالىعى QR-كود ارقىلى قىزمەت الۋدىڭ وڭتايلى جولىن ۇسىنىپ وتىر, دەپ حابارلايدى Egemen.kz.
ەندى شىعىس قازاقستان وبلىسىنىڭ ءاربىر حقو-دا وسى وڭىردەگى ازاماتتارعا ارنالعان ۇكىمەت فيليالى ديرەكتورىنىڭ جانە ونىڭ حقو-دا جۇمىستى ۇيىمداستىرۋ جونىندەگى ورىنباسارىنىڭ, سونداي-اق PR-مەنەدجەردىڭ رەسمي اككاۋنتتارىنا سىلتەمە جاسايتىن QR-كودتى ءار فيليالدىڭ قابىرعاسىنا ىلىنگەن ستەندتەن تابا الاسىز.
اركىم كود ارقىلى ءوتىپ, فيليال ديرەكتورىنا نەمەسە ونىڭ ورىنباسارىنا جەكە حات جازىپ, پىكىر نەمەسە شاعىم قالدىرا الادى. سونىمەن قاتار, حالىقپەن كەرى بايلانىس ورناتۋ ءۇشىن سەنىم تەلەفونى دا بار.
«حالىققا قىزمەت الۋدا ىڭعايلى جاعداي قالىپتاستىرۋ, كورسەتىلەتىن قىزمەتتەردىڭ وڭتايلانۋىنا سەپتىگىن تيگىزۋ ماقساتىندا شىعىسقازاقستاندىقتارمەن ءاردايىم بايلانىستا بولامىز» - دەدى فيليالدىڭ PR-مەنەدجەرى ءمولدىر زاۋرەتقىزى.