بارلىق ەمحانالاردا وڭالتۋ قىزمەتىنە ارنالعان بولىمدەر مەن كابينەتتەر بار. بمسك ۇيىمدارىندا وڭالتۋ قىزمەتىن ۇسىنۋ ءۇشىن 142 كۇندىزگى توسەك-ورىن ورنالاستىرىلدى. بۇل تۋرالى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۋراتوۆ قالالىق ءماسليحات وتىرىسىندا ايتتى.
اعىمداعى كەزەڭدە قالادا 28553 مۇمكىندىگى شەكتەۋلى ادام تىركەلگەن. ولاردىڭ 6226-سى ەرەكشە قاجەتتىلىكتەرى بار بالالار (22,8%).
«تاۋلىك بويعى ستاتسيونارلار اياسىندا 100 توسەك-ورىن ەرەسەك تۇرعىنداردى وڭالتۋ (ەرتە جانە كەش), 354 توسەك-ورىن بالالاردى نەۆرولوگيالىق, تراۆماتولوگيالىق, ورتوپەديالىق جانە كارديوحيرۋرگيالىق پروفيلدەر بويىنشا قالپىنا كەلتىرۋ ەمى مەن مەديتسينالىق وڭالتۋ ءۇشىن بولىنگەن.باسقارما باسشىسىنىڭ ايتۋىنشا, اعىمداعى كەزەڭدە 6049 ەرەسەك تۇرعىن ساۋىقتىرۋ شارالارىنان ءوتتى.
«امبۋلاتوريالىق دەڭگەيدە 4433 مۇمكىندىگى شەكتەۋلى جاندارعا (49,4%), كۇندىزگى ستاتسيونار دەڭگەيىندە 1847 (20,6%), تاۋلىك بويعى ستاتسيونارلارعا - 1447 (16,1%) وڭالتۋ شارالارى جۇرگىزىلدى. وڭالتۋ كۋرسىنان وتكەندەر اراسىنان 1256 مۇمكىندىگى شەكتەۋلى جان الەۋمەتتىك قىزمەتكەرلەردىڭ قىزمەتتەرىمەن قامتىلعان جانە 1280 مۇگەدەكتەرگە پسيحولوگتار كەڭەس بەردى», - دەپ تولىقتىردى تيمۋر مۋراتوۆ.
سونداي-اق قالا اكىمدىگى مەن باسقارما ارقىلى 738 مۇمكىندىگى شەكتەۋلى ەرەسەكتەر كەڭسەسى ساناتورلىق-كۋرورتتىق ەمدەلۋگە جىبەرىلدى.
مۇگەدەكتەردىڭ بارلىق ساناتتارى حالىقتىڭ الەۋمەتتىك وسال توپتارىنىڭ ساناتى رەتىندە مەديتسينالىق كومەكتىڭ كەپىلدەندىرىلگەن كولەمى شەڭبەرىندە جانە مىندەتتى مەديتسينالىق ساقتاندىرۋ جۇيەسىندە دياگنوستيكالىق تەكسەرۋلەردىڭ تولىق سپەكترى مەن تەگىن ءدارى-دارمەكتەر الادى.
ەستەرىڭىزگە سالا كەتەيىك, 14 جەلتوقساندا No1 كوپسالالى قالالىق بالالار اۋرۋحاناسى بازاسىندا 50 كۇندىزگى كۇتىمگە ارنالعان جۇيكە-پسيحياتريالىق وڭالتۋ ورتالىعى اشىلدى.
سونىمەن بىرگە بمسك ۇيىمدارىندا كۇندىزگى تيپتەگى وڭالتۋ ورتالىقتارى جۇمىس ىستەيدى. ولار نەگىزىنەن تسەرەبرالدى ءپاراليچى بار بالالاردى ساۋىقتىرۋعا ارنالعان.
مامانداندىرىلعان بالالار ۇيىندە جۇيكە پاتولوگياسىمەن (تسەرەبرالدى پاراليچ) بالالارعا ارنالعان وڭالتۋ ءبولىمى جۇمىس ىستەيدى.بيىل بارلىعى 2882 بالا وڭالتۋ كۋرسىنان ءوتتى.