«سامۇرىق-ەنەرگو» اق ەنەرگەتيكالىق كاسىپورىندارى وزدەرىنىڭ كاسىبي مەرەكەسىنە وراي جىلدىق جوسپارلارىن مەرزىمىنەن بۇرىن ورىنداپ شىقتى: ەكىباستۇز گرەس-2 4,7 ملن كۆت/س ەلەكتر ەنەرگياسىن ءوندىردى, بۇل جوسپاردىڭ 107%-ىن قۇرايدى, مويناق سەس-ءى – 915 مىڭ كۆت ساعاتتان استام ەلەكتر ەنەرگياسىن ءوندىردى (104%). «بوگاتىر كومىر» جشس كەنىشتەرىندە وندىرىلگەن كومىردىڭ كولەمى 41,8 ملن توننانى قۇرادى (جىلدىق جوسپاردىڭ 104%-ى).
تۇتاس العاندا, «سامۇرىق-ەنەرگو» اق ەنەرگيا وندىرەتىن ۇيىمدارى كورسەتكىشتەردىڭ بىلتىرعىمەن سالىستىرعانداعى ءوسۋ قارقىنىن ساقتاي وتىرىپ, 2020 جىلعى 20 جەلتوقسانداعى جاعداي بويىنشا 29 897 ملن كۆت/س ەلەكتر ەنەرگياسىن ءوندىردى (103%), ياعني بىلتىرعى وسىنداي كەزەڭنەن 3% كوپ. بۇل ەلدەگى جالپى وندىرىلگەن ەنەرگيا كولەمىنىڭ 28%-نا جۋىقتايدى. جىل سوڭىندا كومپانيا قازاقستان ەنەرگەتيكاسىنىڭ ءىس جۇزىندە بولاشاق كەلبەتىن قالىپتاستىراتىن تۇبەگەيلى ءارى ماڭىزدى جوبالاردىڭ كەيبىرىن اياقتاپ, جاڭالارىن قولعا الدى.
2020 جىلى «سامۇرىق-ەنەرگو» اق شاردارا سەس-ءىن تولىق مودەرنيزاتسيالادى. جوباعا 38 ملرد تەڭگە ينۆەستيتسيا سالىندى. قايتا جاڭعىرتۋ جۇمىستارى ارقىلى سەس-ءتىڭ قىزمەت ەتۋ مەرزىمى 45-50 جىلعا دەيىن ۇزارىپ, ەنەرگيا ءوندىرۋ جىلىنا 480-نەن 537 ملن كۆت/ساعاتقا دەيىن ۇلعايدى. «سامۇرىق-ەنەرگو» اق ەكى جەل ەلەكتر ستانساسىنىڭ (جەس) قۇرىلىسىن باستادى. ءبىرىنشىسى – قۋاتتىلىعى 60 مۆت, ال بولاشاقتا 300 مۆت-عا جەتەتىن شەلەك دالىزىندە. ەكىنشى جەس اقمولا وبلىسىنىڭ ەرەيمەنتاۋ اۋدانىندا ورنالاسقان. ستانسانىڭ اۋماعىندا 11 جەل ەنەرگەتيكالىق قۇرىلعىلارىن ورناتۋ جوسپارلانىپ وتىر, ونىڭ جيىنتىق قۋاتى 50 مۆت بولادى. جاڭا جەس-تەر وندىرەتىن ەلەكتر ەنەرگياسى ەلىمىزدىڭ ۇلتتىق ەلەكتر جەلىلەرىنە ءتۇسىپ وتىرادى. «سامۇرىق-ەنەرگو» اق جاڭعىرمالى ەنەرگيا كوزدەرى نىساندارى جىلدىڭ 11 ايىندا 303,793 ملن كۆت/س ەنەرگيا ءوندىردى, بۇل رەسپۋبليكاداعى جاڭعىرمالى ەنەرگيا كوزدەرى نىساندارى وندىرگەن ەلەكتر ەنەرگياسى كولەمىنىڭ 10%-ىن قۇرايدى.
«سامۇرىق-ەنەرگو» اق مەن رەسەيلىك «رۋسال» بك تەڭ نەگىزدە باسقاراتىن كومپانيا – «بوگاتىر كومىر» جشس «بوگاتىر» كەنىشىندە تاعى ءبىر ماڭىزدى جوبانى – «كومىردى قازىپ الۋدىڭ تسيكلدىك-اعىندى تەحنولوگياسى» جوباسىن باستادى. بۇل تەحنولوگيانى ەنگىزۋ كومىردى تەمىر جول كولىگىن پايدالانۋ قيىن سوعاتىن 200 مەتردەن استام تەرەڭدىكتەن قازىپ الۋعا مۇمكىندىك تۋعىزىپ, «بوگاتىر» كەنىشىنىڭ قۋاتتىلىعىن جىلىنا 40 ميلليون تونناعا دەيىن ۇلعايتادى.
2020 جىلى COVID-19 پاندەمياسىنا بايلانىستى, الەمدەگى پروبلەما «سامۇرىق-ەنەرگو» حولدينگىنىڭ ەنەرگيا كاسىپورىندارىن دا سىرت اينالىپ وتكەن جوق. كۇردەلى ەپيدەميالىق جاعدايدا كومپانيا ءوزىنىڭ ەلەكتر ستانسالارى مەن كومىر وندىرەتىن نىساندارىنىڭ شتاتتى رەجىمدە جۇمىس ىستەۋىن قامتاماسىز ەتتى. تج رەجىمى قازاقستاندىق ەنەرگەتيكتەردىڭ جوعارى بىلىكتى مامان ەكەنىن كورسەتىپ, سالانىڭ كەز كەلگەن جاعدايدا تەز جۇمىلا جۇمىس ىستەي الاتىنىن بايقاتتى. «سامۇرىق-ەنەرگو» اق 2020 جىلى قارجىلىق تۇراقتىلىققا دا قول جەتكىزدى. وسىدان نەبارى ەكى جىل بۇرىن «سامۇرىق-ەنەرگو» قارجىلىق تۇراقتىلىق بويىنشا «قىزىل ايماقتا» بولاتىن. كومپانيا مەنەدجمەنتى قابىلداعان شارالاردىڭ ناتيجەسىندە, اتاپ ايتقاندا, قارىزدى ازايتۋ, ۆاليۋتالىق نەسيەنى ۋاقتىلى ءارى ويداعىداي قايتا قارجىلاندىرۋ, سونداي-اق ۆاليۋتالىق مىندەتتەمەلەردى حەدجدەۋ جانە تەڭگەدە كونۆەرتاتسيالاۋ ارقىلى كومپانيا نەسيەلىك تاۋەكەلدىڭ «جاسىل ايماعىنا» شىقتى.
قولعا الىنعان جۇمىستاردىڭ ناتيجەسى بويىنشا Fitch Ratings رەيتىنگىلىك اگەنتتىگى «سامۇرىق-ەنەرگو» اق-تىڭ ۇزاق مەرزىمدى رەيتينگتەرىن «ۆۆ» دەڭگەيىندە راستادى, بولجام «تۇراقتى», سونداي-اق كومپانيانىڭ كرەديتتى تولەۋگە ءوز بەتىنشە قابىلەتتىلىگى رەيتينگىن «B»-دەن «B+»-كە دەيىن جوعارىلاتتى.
ايتا كەتەلىك, «سامۇرىق-ەنەرگو» اق – قازاقستانداعى اسا ءىرى ەلەكتر ەنەرگەتيكالىق حولدينگ, اكتسيالارىنىڭ 100%-ى «سامۇرىق-قازىنا» ۇاق» اق-قا تيەسىلى. 2007 جىلى قۇرىلعان. جۇمىسىنىڭ نەگىزگى باعىتتارى: ەلەكتر جانە جىلۋ ەنەرگياسىن ءوندىرۋ; ەلەكتر ەنەرگياسىن جەتكىزۋ, ءبولىپ-تاراتۋ جانە ساتۋ; ەنەرگەتيكالىق كومىر ءوندىرۋ. حولدينگتىڭ قۇرامىنا ەنەرگيا جانە كومىر ءوندىرۋ كاسىپورىندارى, سونىڭ ىشىندە: «ەكىباستۇز گرەس-1» جشس, «ەكىباستۇز گرەس-2 ستانساسى» اق, «بوگاتىر كومىر» جشس, «الماتى ەلەكتر ستانسالارى» اق, «و.د.قانتاەۆ اتىنداعى مويناق سۋ ەلەكترستانساسى» اق, «شاردارا سەس» اق جانە ت.ب. كىرەدى.