ورتالىق سايلاۋ كوميسسياسىنىڭ (JCRوسك) كەزەكتى وتىرىسىندا سايلاۋشىلاردىڭ تىزىمدەرىن سايلاۋ كوميسسيالارىنا ۇسىنۋ جانە حالىقارالىق ۇيىمدار مەن شەت مەملەكەتتەردىڭ بايقاۋشىلارىن اككرەديتتەۋ ماسەلەسى قارالدى.
ورتالىق سايلاۋ كوميسسياسى توراعاسىنىڭ ورىنباسارى كونستانتين پەتروۆ ازاماتتاردى تەكسەرۋ جانە ولاردى سايلاۋشىلار تىزىمىنە ەنگىزۋ بويىنشا جۇرگىزىلگەن جۇمىس جونىندە باياندادى. وتىرىس قورىتىندىسى بويىنشا وسك-نىڭ سايلاۋشىلارعا ارنالعان ۇندەۋى مەن سايلاۋشىلار تىزىمىنە ەنگىزۋ ءتارتىبى تۋرالى باق-تا, وڭىرلەردەگى قوعامدىق ورىنداردا, رەسمي ينتەرنەت-رەسۋرستاردا جاريالانعان اقپاراتتىق پلاكاتتار قابىلداندى. بيىلعى 10 قاراشا مەن 10 جەلتوقسان ارالىعىندا «ازاماتتاردى سايلاۋشىلار تىزىمىنە ەنگىزۋ تۋرالى» بەينەروليك رەسپۋبليكالىق تەلەارنالاردا 623 رەت, ال راديوستانسالاردىڭ ەفيرىندە 642 رەت جارىق كورگەن. بۇدان بولەك, حالىقتى قۇلاقتاندىراتىن اقپارات ءباسپاسوز بەتتەرىندە جانە ينتەرنەت-رەسۋرستاردا جاريالانعان. بۇل اقپارات 47,6 ملن رەت ونلاين قارالعان.
وڭىرلەردە جەرگىلىكتى اتقارۋشى ورگاندار ازاماتتارعا ءوزىنىڭ سايلاۋشىلار تىزىمىنە ەنگەنى تۋرالى اقپارات الاتىن call-ورتالىقتار اشقان. Call-ورتالىقتار سايلاۋ ناۋقانى باستالعاننان بەرى جۇمىس ىستەپ كەلەدى, وسى ۋاقىت ىشىندە ولارعا 42 مىڭعا جۋىق ءوتىنىش كەلىپ ءتۇستى. ك.پەتروۆ وسى جىلدىڭ 26 جەلتوقسانىنان باستاپ ءاربىر ازامات ءتيىستى سايلاۋ كوميسسيالارىنىڭ سايلاۋشىلار تىزىمىنەن ءوزى تۋرالى دەرەكتەردى تەكسەرۋگە قۇقىلى ەكەنىن حابارلادى. ازاماتتار تىزىمگە ەنگىزىلمەگەنى, تىزىمنەن شىعىپ قالعانى نەمەسە سايلاۋشى تۋرالى دەرەكتەردە قاتە كەتكەنىنە شاعىمدانا الادى. داۋىستاردى ساناۋ باستالعاننان كەيىن سايلاۋشىلار تىزىمىنە وزگەرىستەر ەنگىزۋگە تىيىم سالىنادى. دەمالىس ۇيلەرى, ساناتوريلەر, تۇراقتى ەمدەۋ-پروفيلاكتيكالىق مەكەمەلەرى, الىس مال شارۋاشىلىعى ۋچاسكەلەرىندەگى, تەرگەۋ يزولياتورلارى مەن ۋاقىتشا ۇستاۋ يزولياتورلارىنداعى, سونداي-اق شەت مەملەكەتتەردەگى قازاقستان رەسپۋبليكاسىنىڭ وكىلدىكتەرى جانىنداعى سايلاۋشىلار تىزىمدەرى سايلاۋشىلارعا تانىسۋ ءۇشىن داۋىس بەرەتىن كۇنگە دەيىن بەس كۇن بۇرىن بەرىلەدى جانە ءبىر كۇن بۇرىن ناقتىلانۋى ءتيىس.
وتىرىستىڭ ەكىنشى ماسەلەسى بويىنشا وسك مۇشەسى اناستاسيا ششەگورتسوۆا بايانداما جاسادى. ونىڭ سوزىنە قاراعاندا, 2020 جىلعى 22 قازاندا سايلاۋدى حالىقارالىق باقىلاۋ ينستيتۋتى اشىلعان ساتتەن باستاپ ورتالىق سايلاۋ كوميسسياسى 4 حالىقارالىق ۇيىمنان جانە 5 شەت مەملەكەتتەن 86 بايقاۋشىنى تىركەگەن. 22 جەلتوقسانداعى جاعداي بويىنشا ورتالىق سايلاۋ كوميسسياسىنا سىرتقى ىستەر مينيسترلىگىنەن اككرەديتتەۋگە 4 حالىقارالىق ۇيىمنان جانە 14 شەت مەملەكەتتەن تاعى 190 باي- قاۋشىنىڭ كانديداتۋراسى ۇسىنىلدى. 4 حالىقارالىق ۇيىمنان بارلىعى 167 بايقاۋشى بار. ولاردىڭ ىشىندە تمد بايقاۋشىلارى ميسسياسىنىڭ قۇرامىندا – 142 بايقاۋشى, ەقىۇ پارلامەنتتىك اسسامبلەياسىنىڭ قۇرامىندا – 9 بايقاۋشى, ەقىۇ/دياقب سايلاۋدى بايقاۋ جونىندەگى شەكتەۋلى ميسسياسىندا – 2 بايقاۋشى; شىۇ-دان باقىلاۋشىلار ميسسياسىندا 14 بايقاۋشى بار. 14 مەملەكەتتەن اككرەديتتەۋگە 23 ۇمىتكەر ۇسىنىلدى, ونىڭ ىشىندە: ازەربايجان, ماجارستان, يسپانيا كورولدىگى, نورۆەگيا كورولدىگى, رەسەي فەدەراتسياسى مەن فرانتسيادان – 1 بايقاۋشىدان, ارمەنيا, يندونەزيا, وزبەكستان, تۇركيا, ءۇندىستان, فيليپپين جانە شۆەيتساريادان – 2 بايقاۋشىدان, ال رۋمىنيادان 3 بايقاۋشىنى تىركەۋدەن وتكىزۋ ۇسىنىلعان. جيىن سوڭىندا وسك مۇشەلەرى حالىقارالىق ۇيىمدار مەن شەت مەملەكەتتەردىڭ بايقاۋشىلارىن اككرەديتتەۋ تۋرالى قاۋلى قابىلدادى. وسىلايشا, 2020 جىلعى 22 جەلتوقسانداعى جاعداي بويىنشا 276 حالىقارالىق بايقاۋشى تىركەلدى.