ەرىكتى ۆاكتسيناتسياعا جازىلۋعا بولادى. بۇل تۋرالى جۋرناليستەردىڭ سۇراقتارىنا جاۋاپ بەرۋ بارىسىندا ءبىلىم ءمينيسترى اسحات ايماعامبەتوۆ مالىمدەدى.
«ەرىكتى بولۋ وتە وڭاي. الماتى, تاراز جانە الماتىنىڭ بىرنەشە كلينيكالىق بازاسىندا ءتيىستى سەرتيفيكاتتار بار, قازىرگى ۋاقىتتا سكرينينگ جانە ەرىكتىلەردى ۆاكتسيناتسيالاۋ جۇرگىزىلۋدە. ءبىز 3 مىڭ ەرىكتىنى الامىز, ولاردىڭ بارلىعى اعىمداعى جىلدىڭ سوڭىنا دەيىن ۆاكتسيناتسيالانادى. قازىرگى كەزدە ەرىكتىلەردىڭ كوبى ەكپە الدى. شارت جاسالادى, شارتتار, ءومىردى ساقتاندىرۋ ماسەلەلەرى جانە بەلگىلەنگەن زاڭناماعا سايكەس كەلەتىن باسقا دا نيۋانستار كەلىسىلەدى.
ءبىرىنشى كەزەڭدى جاريالاعان كەزدە بىزگە وتىنىشتەر كوپ كەلىپ ءتۇستى جانە قابىلداۋدى مەرزىمىنەن بۇرىن توقتاتۋعا ءماجبۇر بولدىق. ەكىنشى كەزەڭدە جاعداي ۇقساس بولدى دەۋگە بولادى. ءۇشىنشى كەزەڭدە ءبىز كونتينگەنتتى كوپ جينايتىندىقتان 3 مىڭ ەرىكتىنى تاڭداپ الۋ ءۇشىن الدىن الا قابىلداي باستادىق.
بۇگىنگى تاڭدا جازىلۋا جالعاسۋدا. سوندىقتان ەرىكتى بولعىسى كەلەتىن ازاماتتار وسى قۇقىق پەن مۇمكىندىكتى پايدالانا الادى», دەدى مينيستر.