قر پرەمەر-ءمينيسترى اسقار ءماميننىڭ توراعالىعىمەن نۇر-سۇلتان قالاسىنىڭ جاڭا ورتالىعىنىڭ قۇرىلىسىن باقىلاۋ جونىندەگى مەملەكەتتىك كوميسسيانىڭ وتىرىسى ءوتتى.
نۇر-سۇلتان قالاسى قۇرىلىسىنىڭ 2019-2023 جىلدارعا ارنالعان كەشەندى جوسپارىن جۇزەگە اسىرۋ تۋرالى قالا اكىمى ا. كولگىنوۆ, تۇرعىن ءۇي سالۋ, ينجەنەرلىك جانە جول-كولىك ينفراقۇرىلىمىن دامىتۋ تۋرالى يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, ەلوردانى گازداندىرۋ تۋرالى ەنەرگەتيكا ءمينيسترى ن. نوعاەۆ, مەكتەپتەر سالۋ تۋرالى ءبىلىم جانە عىلىم ءمينيسترى ا. ايماعامبەتوۆ, حالىقتى سۋمەن قامتاماسىز ەتۋ جاعدايى تۋرالى ەكولوگيا, گەولوگيا جانە تابيعي رەسۋرستار ءمينيسترى م. مىرزاعاليەۆ, سونداي-اق ورتالىق مەملەكەتتىك ورگانداردىڭ باسقا دا باسشىلارى بەيىندى جۇمىس باعىتتارى تۋرالى باياندادى.
بيىل نۇر-سۇلتان قالاسىندا شامامەن 3 ملن شارشى مەتر تۇرعىن ءۇي, ونىڭ ىشىندە 8 مىڭ پاتەر قولجەتىمدى جەڭىلدىكتى تۇرعىن ۇيدە پايدالانۋعا بەرىلەدى. تۇرعىن ءۇي الاپتارىنىڭ ينجەنەرلىك-كوممۋنيكاتسيالىق ينفراقۇرىلىمىن دامىتۋ جۇمىستارى جۇرگىزىلىپ جاتىر.