الماتىدا ەپيدەميولوگيالىق جاعداي كۇردەلى قالپىندا تۇر. بۇل تۋرالى قالانىڭ باس سانيتار دارىگەرى جانداربەك بەكشين بريفينگ بارىسىندا مالىمدەدى, دەپ حابارلايدى Egemen.kz.
«الماتى قالاسىنداعى ەپيدەميولوگيالىق جاعدايعا كەلەتىن بولساق, بۇگىنگى كۇندە كۇردەلى كۇيىندە قالىپ وتىر. قىركۇيەك ايىندا كۆي بارىنشا تومەندەگەننەن كەيىن, قازان ايىندا 366 جاعداي, قاراشادادا 1 399 جاعداي جانە جەلتوقسان ايىندا بۇگىنگى كۇنگە دەيىن 1635 جاعداي تىركەلىپ, ىندەتتىڭ ءوسۋى قارقىنداۋدا», دەدى بەكشين.
ايتا كەتەيىك, جىل باسىنان بەرى قالادا 17 790 ادام كوروناۆيرۋس ينفەكتسياسىن جۇقتىردى, ءبىرىنشى تامىزدان باستاپ 1 349 پنەۆمونياعا شالدىقتى.
بەكشيننىڭ ايتۋىنشا, كوروناۆيرۋس بويىنشا الماتى قالاسىندا ەپيدەميولوگيالىق جاعدايىنىڭ ءوربۋى الدىن الا بولجامداعان مولشەرگە سايكەس كەلىپ وتىر: جەلتوقسان ايىندا 1 اپتادا – 420 جاعداي, 2 اپتادا – 460 جاعداي, 3 اپتادا – 510 جاعداي, 4 اپتادا – 560 جاعداي بولجام بويىنشا جالپى ايدىڭ قورىتىندىسىمەن 1 900 جاعداي جانە پەسسيميستىك بولجام بويىنشا 2 200 جاعدايعا جەتۋى مۇمكىن.
سوعان بايلانىستى قالانىڭ باس سانيتارىنىڭ جاڭا قاۋلىسى جاريالاندى. قۇجاتقا سايكەس, ساۋدا ورتالىقتارى جاڭا جىلعا دەيىن جانە دەمالىس كۇندەرى تۇنگى ساعات 23:00-گە دەيىن ىستەيدى. ال ازىق-ت ۇلىك جانە باسقا تاۋار ساتاتىن بازارلار كەشكى 17:00-دە جابىلادى. بارلىق جەردە سانيتارلىق رەجيم قاتاڭ ساقتالۋى شارت.
مەيرامحانالار مەن ءدامحانالار تۇنگى ساعات 22:00-گە دەيىن اشىق بولادى. ال ساۋدا ورتالىقتارىندا ورنالاسقان قوعامدىق تاماقتانۋ ورىندارى 23:00-دە جابىلادى.