سولتۇستىكقازاقستاندىق ورىس تۇرعىندارىنىڭ كەيبىرى الا كوڭىل, ولار تۇبىندە وزدەرىنىڭ تاريحي وتاندارىنا كەتۋدى ويلاپ جۇرەدى. سوندىقتان ءوزى بولماسا دا بالالارىنا قازاقستان ازاماتتىعىن الدىرۋعا اسىقپايدى. سونىڭ ءبىرى تايىنشا اۋدانىنىڭ 27 جاستاعى تۇرعىنى بولىپ شىقتى. ول رەسەي فەدەراتسياسىنان 2 جاسىندا قازاقستانعا اكەلىنگەن بولسا دا اتا-اناسى قازاقستان ازاماتى بولۋعا قاجەتتى قۇجاتتاردى رەسىمدەمەگەن ەكەن. سوندىقتان ول وسى ۋاقىتقا دەيىن ازاماتتىعى جوق ادام بولىپ جۇرگەن.
جۋىردا كوشى-قون قىزمەتى جاس ايەلدە باسقا مەملەكەتتىڭ ازاماتتىعى جوق ەكەندىگىنە كوز جەتكىزگەننەن كەيىن وعان جەكە كۋالىك الۋعا كومەكتەستى. ازىرگە ايەلگە «ازاماتتىعى جوق ادام» مارتەبەسى بەرىلدى. تەك بەس جىلدان كەيىن عانا ول قازاقستان ازاماتتىعىن الۋ قۇقىعىنا يە بولادى. ءسويتىپ «الاكوڭىل» اتا-انا قىزىن اۋرەگە سالىپ قويعان.
ازاماتتىقتى تىم بولماسا بەس جىلدان كەيىن الاتىنىنا قۋانعان جاس ايەل تايىنشا اۋدانىنىڭ پوليتسيا ءبولىمى مەن كوشى-قون قىزمەتىنە العىسىن بەينەكورىنىس ارقىلى ءبىلدىردى.