قىزىلوردادا ءار سالانىڭ ۇزدىكتەرى ماراپاتتالدى

جىل باسىندا قىزىلوردا قالاسىنىڭ بيۋدجەتى 68,9 ملرد تەڭگە بولىپ بەكىتىلسە, جىل قورىتىندىسىمەن بۇل كورسەتكىش 95 ملرد تەڭگەگە جەتكەن. قارقىندى قۇرىلىس الاڭىنا اينالعان سىردىڭ باس شاھارىندا بيىل 1 500-گە جۋىق وتباسى باسپانالى بولىپ, قونىس تويىن تويلاپتى. قالادا تاعى 2 مىڭ 380 پاتەرلىك 52 كوپقاباتتى تۇرعىن ءۇي سالىنىپ جاتىر. وسى جىلى وبلىس ورتالىعىندا رەسپۋبليكالىق, جەرگىلىكتى بيۋدجەتتەن بولىنگەن قارجى ەسەبىنەن 408 كوشەگە ورتاشا جانە كۇردەلى جوندەۋ جۇمىستارى جۇرگىزىلدى.

جىل قورىتىندىسىندا شاھار باسشىسى قالا ەكونوميكاسىنا ورەلى وزگەرىستەر اكەلىپ, ءورىسىن كەڭەيتكەن مەملەكەتتىك باعدارلامالار اياسىندا اتقارىلعان جۇمىستاردى دا تارقاتتى.

ماسەلەن «جۇمىسپەن قامتۋ جول كارتاسى» مەملەكەتتىك باعدارلاماسىنا ساي قالا بيۋدجەتىنە بولىنگەن قاراجاتتار شاھارداعى وزەكتى ماسەلەلەردى شەشۋگە باعىتتالىپ, بىرنەشە مادەنيەت, ءبىلىم نىساندارى كۇردەلى جوندەۋدەن وتكىزىلگەن. «تاعزىم» مەموريالى, "سىر انا" مونۋمەنتى, «تەمىر جول» پاركى, نازارباەۆ داڭعىلى اباتتاندىرىلدى. «اۋىل - ەل بەسىگى» ارنايى جوباسى ارقىلى اقسۋات اۋىلدىق وكرۋگىندەگى №143 مەكتەپ كۇردەلى جوندەۋدەن ءوتىپ, ەلدىمەكەندەگى 16 كوشەگە جوندەۋ جۇمىستارى جۇرگىزىلدى.

سالتاناتتى شارادا سونداي-اق جىلداعى داستۇرگە ساي ەل دامۋى جولىندا ەسەلى ەڭبەگىمەن ەرەكشەلەنگەن, قالانىڭ قوعامدىق-ساياسي ءومىرىنىڭ ء وسىپ-وركەندەۋىنە ۇلەس قوسىپ, ء ار سالادا تابىستى ەڭبەك ەتىپ جۇرگەن جىل ۇزدىكتەرى ماراپاتتالدى.

بۇدان بولەك جىل قورىتىندىسىمەن «جىلدىڭ ۇزدىك ۇستازى» نوميناتسياسىن يەلەنگەن پەداگوگتار دا ماراپات بيىگىنەن كورىنىپ, قارجىلاي سىياقىعا يە بولدى.