ءبىز بۇعان دەيىن دە الماتىدا سانيتارلىق-ەپيدەميالىق شارالاردىڭ ساقتالۋىن باقىلايتىن 32 مونيتورينگتىك توپتىڭ كۇيشەيتىلگەن رەجىمدە جۇمىسىن جالعاستىرىپ وتىرعانىن حابارلاعان ەدىك.
بيىلعى 8 قازان مەن 19 جەلتوقسان ارالىعىنداعى تەرسەرىس بارىسىندا 4947 نىسان قامتىلدى, 1065 (21,5%) نىساندا كارانتيندىك شارالاردىڭ بۇزىلعانى انىقتالدى. ماتەريالدار جۇمىس الگوريتمىنە سايكەس بەرىلدى. سوت كارانتيندىك شارالاردى بۇزعانى ءۇشىن بىرقاتار كاسىپكەرلىك نىساندارىنىڭ قىزمەتىن توقتاتتى.
زاڭدى جانە جەكە تۇلعالاردى تەكسەرۋ ناتيجەسىندە قر اقبتك-ءنىڭ 425-بابىنىڭ 1-بولىگىمەن شەكتەۋ ءىس-شارالارىن ساقتاماعانى ءۇشىن جالپى سوماسى 74,7 ملن تەڭگەگە 890 اكىمشىلىك قۇقىق بۇزۋشىلىق تۋرالى حاتتاما جاسالدى.
قازىرگى ۋاقىتتا ويىن-ساۋىق نىساندارى اراسىندا كارانتين شارالارىن بۇزۋشىلاردىڭ انىقتالۋىنا بايلانىستى جەكە تۇلعالار قاتىستى قابىلدانعان شارالار ارتۋدا. مىسالى, المالى اۋدانىنىڭ «Cyber ZONE» كومپيۋتەرلىك كلۋبىندا بەتپەردە رەجيمىن بۇزعان 20 جەكە تۇلعا انىقتالدى.
جۇمىس ناتيجەلەرى بويىنشا اكىمشىلىك سوتقا 462-بابىنىڭ 1-بولىگى «تەكسەرۋ جۇرگىزۋگە كەدەرگى كەلتىرۋ بويىنشا» جانە 462-بابىنىڭ 3-بولىگى ورىن العان بۇزۋشىلىقتاردى جويۋ تۋرالى نۇسقامانى ورىنداماۋ بويىنشا 15 زاڭدى تۇلعاعا قاتىستى ىستەر بەرىلدى:
مەدەۋ اۋدانى بويىنشا - 6 («مانانا»-2 مەيرامحاناسى, «وترار بار» جشس (تانتسى) -4, «تسەنترال» ءدامحاناسى - 1, «Hookah Dreems» لاۋندج بارى - 1, «گلوبال فۋد ەند» جشس نەبو بارى - 1), «ورانجەري Group» جشس رەستوبار -1); تۇركسىب اۋدانى بويىنشا - 3 («رايانا» مەيرامحاناسى يلاحۋنوۆ جك, «اتلانتيس» بيليارد كلۋبى بيجانوۆ ر.م. جك, «پروۆانس» ءدامحاناسى); المالى اۋدانى بويىنشا - 3 ( «اراگوستا», «دەگيرمەن» ءدامحانالارى, «دورەمي» كاراوكەسى); اۋەزوۆ اۋدانى بويىنشا - 3 («مياتا» لاۋندج بارى, «المالى» كاراوكە-بارى, «Playstation Go» ويىن كلۋبى).سونىمەن قاتار, قر اقبتك-ءنىڭ 462-بابى 3-بولىگىنىڭ بۇرىن جىبەرىلگەن جۇيەلى تۇردە ورىن العان بۇزۋشىلىقتارى بويىنشا سوت شەشىمدەرى بار:
جەكە كاسىپكەر رەنات بيجانوۆقا 277 800 تەڭگە كولەمىندە ايىپپۇل سالىنىپ, تۇركسىب اۋدانى, نامانگانسكايا كوشەسى, 35 مەكەنجايى بويىنشا ورنالاسقان «Atlantis» بيليارد كلۋبىنىڭ قىزمەتى 1 اي مەرزىمگە توقتاتىلدى.
جانە «Suddenly» جشس-نە («Hookan Dreems» كافە بارى) 277 800 تەڭگە كولەمىندە ايىپپۇل سالىندى, مەدەۋ اۋدانى, قايىربەكوۆ كوشەسى, 35ا مەكەن-جايى بويىنشا ورنالاسقان «Hookan Dreems» بار كافەسىنىڭ قوعامدىق تاماقتانۋ قىزمەتتەرىن ۇسىنۋ بويىنشا قىزمەتى 1 ايعا توقتاتىلدى.
بۇل فاكتىلەر مونيتورينگتىك توپتاردىڭ قوعامدىق تاماقتانۋ ورىندارى مەن قوعامدىق كولىكتەردە كارانتيندىك رەجىمنىڭ ءجيى بۇزىلۋىن (قاشىقتىقتى ساقتاۋ جانە ماسكالاردى پايدالانۋ) ايعاقتايدى.
الماتى اكىمدىگى جۇقتىرۋ قاۋپىن ازايتۋ ماقساتىندا قالا تۇرعىندارى مەن قوناقتارىن ادامدار كوپ جينالاتىن جەرلەرگە بارماۋعا شاقىرادى. COVID-19 الدىن-الۋ شارالارىن كۇشەيتىپ, وزىڭىزگە جانە باسقالارعا قاۋىپ توندىرمەۋدى ەسكەرتەدى.
الماتى