تۇركىستان وبلىسىندا حابار-وشارسىز جوعالىپ كەتكەن ايەل تابىلدى, دەپ جازادى Egemen.kz. بۇل تۋرالى وبلىستىڭ پوليتسيا دەپارتامەنتىنىڭ ءباسپاسوز قىزمەتى حابارلادى.
پوليتسيانىڭ حابارلاۋىنشا, سوزاق اۋداندىق پوليتسيا بولىمىنە جەرگىلىكتى تۇرعىن جۇبايى كەشكى ساعات 19:00 شاماسىندا ۇيىنەن بەلگىسىز باعىتقا شىعىپ كەتىپ, قايتا ورالماعانىن ايتىپ, ارىزدانعان.
وسىلايشا ايەلىمەن ەش بايلانىسا الماي, حابار-وشارسىز قالعان ەر ادام بىردەن پوليتسەيلەردىڭ كومەگىنە جۇگىنگەن.
جەدەل-ىزدەستىرۋ جۇمىستارىنىڭ ناتيجەسىندە پوليتسەيلەر تاۋلىككە جەتپەي ايەلدى قۇربىسىنىڭ ۇيىنەن تاپتى.
تەكسەرۋ بارىسىندا وتباسىلىق كيكىلجىڭنەن سوڭ ايەلى كۇيەۋىنە رەنجىپ, اشۋمەن قۇربىسىنىڭ ۇيىنە كەتىپ قالعانى انىقتالدى. قازىرگى تاڭدا ەرلى-زايىپتىلارعا تۇسىندىرمە جۇمىستارى جۇرگىزىلىپ, ايەل امان-ەسەن ۇيىنە قايتارىلدى.