قازاقستان سىرتقى ىستەر ءمينيسترىنىڭ ورىنباسارى مارات سىزدىقوۆ تمد اتقارۋشى كوميتەتى توراعاسىنىڭ ءبىرىنشى ورىنباسارى ۆيكتور گۋمينسكيدى قابىلدادى. كەزدەسۋدىڭ تاقىرىبى 2021 جىلعى 10 قاڭتارعا بەلگىلەنگەن قر پارلامەنتى ءماجىلىسىنىڭ دەپۋتاتتارىن سايلاۋعا بايلانىستى نۇر-سۇلتاندا تمد حالىقارالىق بايقاۋشىلار ميسسياسى شتابىنىڭ اشىلۋى بولدى.
سۇحبات بارىسىندا م. سىزدىقوۆ تمد اتقارۋشى كوميتەتىنىڭ وكىلىن ءماجىلىس دەپۋتاتتارىنىڭ اشىق سايلاۋىن وتكىزۋ قازاقستاننىڭ ودان ءارى دەموكراتيالىق دامۋى ءۇشىن ماڭىزدىلىعى تۋرالى حاباردار ەتتى. بيىل ەلىمىزدە كوپپارتيالىلىق پەن ساياسي باسەكەلەستىكتى دامىتۋعا, ازاماتتىق بەلسەندىلىكتى ارتتىرۋعا باعىتتالعان تەڭدەسسىز ساياسي رەفورمالار پاكەتى ىسكە اسىرىلدى.
ءوز كەزەگىندە ۆ. گۋمينسكي باقىلاۋشىلاردىڭ جۇمىسى ءۇشىن جاقسى جاعداي جاساعانى ءۇشىن ريزاشىلىعىن ءبىلدىردى. سۇحباتتاسۋشى تمد ميسسياسى ءوز فۋنكتسيالارىن وبەكتيۆتى جانە اشىق تۇردە ورىنداۋعا دايىن ەكەنىن ايتتى.