اتىراۋ قالاسىندا 20-دان استام ۆولونتەر «مەنىڭ تۋىم. مەنىڭ ەلىم!» اكتسياسىن وتكىزدى.
«بۇگىن اتىراۋلىق جاستار ەلگە, وتانعا دەگەن سۇيىسپەنشىلىكپەن وسى اكتسياعا قولداۋ ءبىلدىرۋدى ۇيعاردىق. ءبىزدىڭ ارامىزدا وقۋ ورىندارىنىڭ بەلسەندى ستۋدەنتتەرى دە بار. كوپ قاباتتى ءۇيدىڭ بالكونىندا تاۋەلسىزدىگىمىزدىڭ سيمۆولى – كوك تۋىمىز جەلبىرەپ تۇر. مۇنداي ءسات ءار ازاماتقا پاتريوتتىق رۋح بەرىپ, ەرەكشە سەزىمگە بولەيدى. باستى تىلەگىمىز – كوك بايراعىمىز كوكتە جەلبىرەتۋ. وتانىن شىن سۇيەتىن پاتريوت جاستار ەلىمىزدىڭ وركەندەگەنىن, تاۋەلسىزدىگىمىزدىڭ ماڭگىلىك بولعانىن قالايدى» دەيدى ۆولونتەردىڭ ءبىرى يلياس ۇسەنعاليەۆ.
ۆولونتەرلەر اكتسيانى قالانىڭ ت.جۇماعاليەۆ كوشەسىندەگى №23, ب.قۇلمانوۆ كوشەسى, 112/1 مەكەنجايىنداعى كوپقاباتتى ۇيلەردە, «BELUGA» قوناقۇيىندە جالعاستىردى.