بۇل كۇندەرى سەربيانىڭ باس شاھارى – بەلگرادتا كۇرەس تۇرلەرىنەن الەم كۋبوگى جولىنداعى جارىس ءوتىپ جاتىر. كەشە اتالعان دودادا گرەك-ريم كۇرەسىنەن باسەكەلەر اياقتالدى.
ۇلتتىق وليمپيادا كوميتەتىنىڭ حابارلاۋىنشا, جەكەلەگەن الەم كۋبوگىندا «كلاسسيكتەر» اراسىندا 10 مەدال جيىنتىعى ساراپقا سالىنعان. جاھاندىق جارىستا 7 التىن جەڭىپ العان رەسەي بالۋاندارى جالپىكوماندالىق ەسەپ بويىنشا كوش باستادى. ەكىنشى ورىنعا 2 التىن, 3 قولا ەنشىلەگەن ماجارستان قۇراماسى ورنالاسسا, 1 التىن, 3 كۇمىس يەلەنگەن بەلارۋس كومانداسى ۇزدىك ۇشتىكتى تۇيىندەدى.
ايتا كەتەلىك, ەلىمىزدەگى كوروناۆيرۋستىڭ الدىن الۋ جونىندەگى ۆەدومستۆوارالىق كوميسسيا شەشىمىمەن سەربياداعى الەم كۋبوگىنا قازاقستاندىق سپورتشىلار قاتىسقان جوق.