شىمكەنت قالاسىندا بيىل «ەڭبەك» مەملەكەتتىك باعدارلاماسى اياسىندا 4818 ازاماتتىڭ ارقايسىسى 200 ايلىق ەسەپتىك كورسەتكىشتى قۇرايتىن قارجىلاي قولداۋعا يە بولدى, دەپ حابارلايدى Egemen.kz.
مەملەكەتتىك گرانت نەگىزىندە قايتارىمسىز قاراجات العان قالا تۇرعىندارى ءوز ىستەرىن باستاپ وتىر. ولار كوبىنەسە تىگىن, كونديتەرلىك ونىمدەر ازىرلەۋ مەن مال شارۋاشىلىعىنا تاڭداۋ بىلدىرگەن.
شىمكەنت قالالىق حالىقتى جۇمىسپەن قامتۋ ورتالىعى ماماندارىنىڭ مالىمەتىنشە بۇل باعىت بويىنشا جۇمىستار بيىلعى جىلدىڭ 11 ايى ىشىندە 98 پايىزعا ورىندالعان. جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانت قاراجاتى ەڭبەككە قاجەتتى قۇرال-جابدىقتار الۋعا جانە اۋىل شارۋاشىلىعىمەن اينالىسۋعا نيەت بىلدىرگەندەرگە كوپ جاردەمىن تيگىزىپ وتىر.
مەملەكەتتىك گرانتقا باعدارلامانىڭ ءبىرىنشى باعىتى شەڭبەرىندە وقۋدى اياقتاعان نەمەسە «باستاۋ-بيزنەس» جوباسى بويىنشا كاسىپكەرلىك نەگىزدەرىنە وقىتۋ كۋرسىنان وتكەن جانە بۇعان دەيىن مەملەكەتتىك باعدارلامالار اياسىندا گرانت الماعان جاستار, كوپبالالى جانە تابىسى از وتباسىلاردىڭ مۇشەلەرى, ەڭبەك ەتۋگە قابىلەتتى مۇگەدەكتەر مەن شەت مەملەكەتتەردەن قونىس اۋدارعان ازاماتتار ۇمىتكەر بولا الادى.
ال ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ ەكىنشى باعىتى بويىنشا 2820 ادام «باستاۋ بيزنەس» جوباسى بويىنشا وقۋعا جولدانعان. سونىمەن قاتار اۋىلشارۋاشىلىعىن قارجىلاي قولداۋ قورىمەن تۇزىلگەن كەلىسىمنىڭ ناتيجەسىندە 74 شىمكەنتتىك شاعىن نەسيەگە قول جەتكىزگەن.