اتىراۋدا جىل باسىنان بەرى قوعامدىق ورىندا ماس كۇيدە ۇستالعان 3000 ادام جاۋاپكەرشىلىككە تارتىلدى, دەپ حابارلايدى Egemen.kz.
پوليتسيا قىزمەتكەرلەرى الكوگولدىك ىشىمدىكتى اسىرا پايدالاناتىن ادامداردى انىقتاۋ جالعاستىرىپ جاتىر.
«جىل باسىنان بەرى قوعامدىق ورىنداردا ماس كۇيىندە ۇستالعان 3000-عا جۋىق ازامات اكىمشىلىك جاۋاپكەرشىلىككە تارتىلدى. ونىڭ ىشىندە 242 ادام وسى قۇقىق بۇزۋشىلىقتى قايتالاپ جاساعانى انىقتالدى. مۇنداي قۇقىق بۇزۋشىلاردى اكىمشىلىك قۇقىقبۇزۋشىلىق تۋرالى كودەكسىنىڭ 440-بابىمەن (الكوگولدىك ىشىمدىكتەر ءىشۋ نەمەسە قوعامدىق ورىندارعا ماساڭ كۇيدە كەلۋ) ءبىرىنشى رەت 5 اەك ايىپپۇل, ال ءبىر جىل ىشىندە قايتالاپ جاسالعان بۇزۋشىلىق ءۇشىن 10 اەك ايىپپۇل نەمەسە بەس تاۋلىككە قاماۋ كوزدەلگەن», دەيدى اتىراۋ قالالىق پوليتسيا باسقارماسى باستىعىنىڭ ءبىرىنشى ورىنباسارى ەرلان بيعامباەۆ.