«الەۋمەتتىك مەديتسينالىق ساقتاندىرۋ قورى» كەاق اتىراۋ وبلىسى بويىنشا فيليالىنىڭ ديرەكتورى ءسابيت قۇرالبەكتىڭ مالىمەتىنشە, وڭىردە بيىلعى 1 قاراشاعا دەيىن 82 373 ادامنىڭ ساقتاندىرىلماعانى انىقتالىپ وتىر, دەپ حابارلايدى Egemen.kz.
«قازىر تىركەلگەن حالىق تىركەلىمىندەگى (رپن) 652 478 ازاماتتىڭ 82 373-ءى (12,6%) ساقتاندىرىلماي وتىر. ون بەس ساناتتاعى جەڭىلدىگى بار ازاماتتار بىرىڭعاي جيىنتىق تولەم تولەۋ ارقىلى 42 500 تەڭگە كومەك الدى. ال, بىرىڭعاي جيىنتىق تولەمدى زاڭ بويىنشا ءوزىن-ءوزى قامتىعان ازاماتتار تولەۋى ءتيىس بولاتىن. وسىلايشا جەڭىلدىكتى پايدالاناتىن ساناتتاعى ازاماتتار ءوز ستاتۋسىن جوعالتىپ الدى. سونىمەن بىرگە ۇكىمەتتىڭ 2020 جىلعى 20 ساۋىردەگى №224 قاۋلىسىنا سايكەس شاعىن جانە ورتا كاسىپكەرلىكتىڭ 29 ساناتى بيىلعى 1 قازانعا دەيىن ءوز قىزمەتكەرلەرى ءۇشىن جارنا تولەمەي, تەك ءتىزىمىن دەرەكقورعا ەنگىزۋى قاجەت ەدى. بىراق, بارلىعى بىردەي ءتىزىمدى ەنگىزبەۋىنە بايلانىستى قىزمەتكەرلەرى ساقتاندىرىلماي قالعان», دەدى ءسابيت قۇرالبەك.
ونىڭ ايتۋىنشا, جەكە سەكتوردا جۇمىس ىستەيتىن ازاماتتاردىڭ ساقتاندىرىلماۋىنا اي سايىنعى جالاقىنى قولما-قول العانى سەبەپ بولعان.