توتەنشە جاعدايلار مينيسترلىگىنىڭ رەسمي وكىلى تالعات ءۋالي بۇگىن تاڭعى 05.40-تا توتەنشە جاعدايلار قىزمەتىنە الماتى وبلىسى ۇيعىر اۋدانىنىڭ شونجى اۋىلىندا جەكە تۇرعىن ۇيدەن ءورت شىققانى تۋرالى حابار كەلىپ تۇسكەنىن حابارلايدى, دەپ جازادى Egemen.kz
ءورت سوندىرۋشىلەر وقيعا ورنىنا 4 مينۋتتا جەتتى. بۇل كەزدە جەكە تۇرعىن ءۇي اۋماعىنداعى ۋاقىتشا سالىنعان نىسان وتقا ورانعان ەدى.
ءورت ءسوندىرۋ بارىسىندا وقيعا ورنىنان ءتورت ادامنىڭ ءمايىتى تابىلدى. ءورت ساعات 06.09-دا اۋىزدىقتالىپ, ساعات 06. 45-تە ءسوندىرىلدى. جالىن شارپىعان اۋماق 40 شارشى مەتردى قۇرادى. ءورتتىڭ شىعۋ سەبەبى انىقتالىپ جاتىر.