ەكولوگيا, گەولوگيا جانە تابيعي رەسۋرستار مينيسترلىگىنىڭ وكىلى كاسپي تەڭىزىندەگى جابايى ۇيرەكتەرگە قاتىستى جايتقا قاتىستى تۇسىنىكتەمە بەردى, دەپ حابارلايدى Egemen.kz
ەكولوگيا, گەولوگيا جانە تابيعي رەسۋرستار مينيسترلىگىنىڭ قوعاممەن بايلانىس دەپارتامەنتىنىڭ ديرەكتورى سامال يبراەۆا موتورلى قايىقتا وتىرعان بىرنەشە ادامنىڭ جابايى ۇيرەكتەردى سۋعا باتىرىپ جاتقانى تۋرالى ۆيدەوعا قاتىستى پىكىر ءبىلدىردى.
ونىڭ ايتۋىنشا, بۇل بەينەجازبانى ەكولوگيا مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى ىشكى ىستەر دەپارتامەنتىنە ءمان-جايدى ءتۇسىندىرۋ جانە ادامداردىڭ كىم ەكەنىن انىقتاۋ ءۇشىن جىبەردى.
"بۇل دەگەنىڭىز ماسقارا! قاراپ وتىرىپ, ادامنىڭ جۇرەگى اۋىرادى. بۇل ادامعا ءتان قاسيەت ەمەس! مۇنداي جاعدايدا ەكولوگيالىق مادەنيەت دەڭگەيى تۋرالى ايتۋدىڭ ءوزى ارتىق! ەندى مۇندايعا جول بەرىلمەۋى كەرەك! مۇنداي ارەكەت ءۇشىن جازالاۋ كەرەك!", دەيدى دەپارتامەنت ديرەكتورى.
ديرەكتور مۇنداي جاعدايعا كۋا بولعاندا نە ىستەۋگە بولاتىنى تۋرالى كەڭەس بەردى.
"جان-جانۋارعا, تابيعاتقا قيانات جاساۋ سياقتى جاعدايعا كۋا بولساڭىز, مىندەتتى تۇردە بەينەجازباعا ما, سۋرەتكە مە ءتۇسىرىپ الىپ, بىزگە حابارلاڭىز. مەنىڭ ءنومىرىم: +77017932418. مۇنداي جاعدايلارعا نەمقۇرايلى قاراۋعا بولمايدى! كۇش بىرىكتىرۋ ارقىلى عانا تابيعاتقا دەگەن وسىنداي قارىم-قاتىناستى ءتۇپ-تامىرىمەن جويۋعا بولادى", دەيدى سامال يبراەۆا.