قوستانايلىق پوليتسەيلەر قىزمەتتىك بورىشىن ورىنداۋ بارىسىندا قازا تاپقان ارىپتەستەرىنىڭ وتباسىنا بارىپ, تاۋەلسىزدىك كۇنى مەرەكەسىمەن قۇتتىقتاپ شىقتى，دەپ حابارلايدى Egemen.kz
پوليتسەيلەر الدىمەن 1992 جىلى قىزمەت ۇستىندە قازا تاپقان ميليتسيا ستارشيناسى فەدور بالانوۆسكيدىڭ وتباسىنا كىرىپ شىقتى. فەدور ىشكى ىستەر ورگاندارىندا 14 جىل قىزمەت ەتكەن تاجىريبەسى مول مامان ەدى. 1992 جىلعى 7 تامىزدا ميليتسيا ستارشيناسى ۇستالعان كۇدىكتىنى پوليتسيا بولىمىنە اكەلە جاتقاندا, قاپىدا ءتارتىپ ساقشىسىنىڭ تابەلدىك قارۋىن قولىنا تۇسىرگەن قىلمىسكەردىڭ وعىنان قازا تاپتى.
ودان كەيىن دەپارتامەنت قىزمەتكەرلەرى مارقۇم قايىرجان جاپپاسباەۆتىڭ ۇيىنە باردى. جول پوليتسياسىنىڭ ينسپەكتورى 2009 جىلعى 1 تامىزدا كولىك قوزعالىسىن رەتتەپ تۇرعان جەرىندە ماس جۇرگىزۋشىنىڭ كىناسىنەن بولعان جول اپاتىنان كوز جۇمدى. مارقۇمنىڭ ارتىندا جۇبايى مەن جالعىز ۇلى قالدى.
وبلىستىق پوليتسيا دەپارتامەنتى كادر ساياساتى باسقارماسى باستىعىنىڭ ورىنباسارى قۋانىش دۇيسەباەۆ وبلىس پوليتسەيلەرى اتىنان ەكى وتباسىنا دا اقشالاي سىيلىق تابىس ەتىپ, الدا كەلە جاتقان ەلىمىزدىڭ باس مەرەكەسىمەن قۇتتىقتادى.