ادەتتە ءار اتا-انا بالاسىنىڭ ەسىمى ەرەكشە بولعانىن قالايدى. ءتىپتى ەلگە تانىمال تۇلعالاردىڭ ەسىمىمەن اتاۋدىڭ استارىندا وسىنداي وي جاتۋى مۇمكىن. دەسەك تە اتىراۋلىق اتا-انالار سابيىنە قانداي ەسىمدى تاڭدايدى؟
اتىراۋ قالالىق جۇمىسپەن قامتۋ, الەۋمەتتىك باعدارلامالار جانە ازاماتتىق حال اكتىلەرىن تىركەۋ ءبولىمى ماماندارىنىڭ ايتۋىنشا, بيىلعى جىل باسىنان بەرى 10 014 نارەستە ومىرگە كەلىپتى. قازىر ولاردىڭ اراسىندا 164 وتباسىنىڭ قۋانىشىن ەسەلەگەن كىشكەنتاي يبراھيمدەر ءوسىپ جاتىر. ال 136 ۇلدىڭ اتى – ءاليحان.
نارەستەلەرگە نۇريسلام ەسىمى دە ءجيى تاڭدالادى. بيىل اتا-انالار 128 ۇلدى ءدال وسىلاي اتادى. بۇدان وزگە 119 احماد ەسىمى راسىمدەلىپتى.
سونداي-اق 226 وتباسى ايشا اتالعان قىزدارمەن تولىقتى. رايانا ەسىمىن 225 ارۋ يەلەنىپ وتىر. بۇعان قوسا 221 ايلين مەن 195 مەدينا دا اتا-اناسىن باقىتقا بولەدى.