اتىراۋدا كولىك قۇرالدارىنا ارنالعان مەملەكەتتىك تىركەۋ نومىرلەرى شىعارىلا باستادى, دەپ حابارلايدى Egemen.kz
«ازاماتتارعا ارنالعان ۇكىمەت» مەملەكەتتىك كورپوراتسياسى» كەاق اتىراۋ وبلىسى بويىنشا فيليالىنىڭ قوعاممەن بايلانىس مەنەدجەرى بەكجان احمەتوۆتىڭ مالىمەتىنشە, وسى كەزگە دەيىن اتىراۋلىق كولىك يەلەرى ءنومىر الۋ ءۇشىن 20 كۇن كۇتەتىن ەدى. ويتكەنى نومىرلەر اقتوبە قالاسىندا شىعارىلاتىن. ەندى ونى اتىراۋدان بەس كۇندە الۋعا بولادى.
«بيىلعى 11 ايدا مامانداندىرىلعان حالىققا قىزمەت كورسەتۋ ورتالىعىندا 83 580 قىزمەت كورسەتىلدى. ونىڭ ىشىندە جۇرگىزۋشى كۋالىگىن الۋعا بايلانىستى 27 818, كولىك قۇرالىنا مەملەكەتتىك تىركەۋ ءنومىر بەلگىلەرىن بەرۋ بويىنشا 54 846 قىزمەت ۇسىنىلدى. ەندى اتىراۋ وبلىسىندا ءنومىر بەلگىلەرىن شىعاراتىن ستانوك ىسكە قوسىلدى. بۇل ستانوكپەن كۇنىنە 500 ءنومىر شىعارۋ بولادى», دەيدى بەكجان احمەتوۆ.