اقتوبە قالاسىنىڭ وڭىرلىك كوممۋنيكاتسيالار قىزمەتىندە وبلىستىق ەكولوگيا دەپارتامەنتىنىڭ باسشىسى نۇرجان اققۇل ەكولوگتار شوشقا فەرماسىنىڭ جۇمىسىنان بىرنەشە زاڭسىزدىقتى انىقتاپ, ايىپپۇل سالعانىن مالىمدەدى, دەپ حابارلايدى Egemen.kz
ەسكە سالا كەتەيىك, 19 قاراشادا بەستاماق اۋىلىنىڭ 80-نەن استام تۇرعىنى شوشقا فەرماسىن جابۋدى تالاپ ەتىپ, نارازىلىققا شىققان بولاتىن. تارالعان ۆيدەوعا قاراعاندا, تۇرعىنداردىڭ كاسىپورىندى جابۋدى تالاپ ەتكەنىن اڭعارۋعا بولادى. ولاردىڭ ايتۋىنشا, شوشقا قالدىعى وزەن سۋىنا اعىپ جاتىر. تاعى ءبىر ۆيدەودان جول تالعامايتىن كولىك نارازى توپتان قاشىپ, قاقپانى قيراتىپ وتكەنىن كورۋگە بولادى. تەكسەرۋ بارىسىندا ب ۇلىنگەن جەر كولەمى انىقتالىپ, شىعىن كولەمى 14,2 ملن تەڭگە دەپ ەسەپتەلدى. سونىمەن بىرگە قىلمىستىق ءىس قوزعالدى.
"سونىمەن بىرگە تەكسەرۋ كەزىندە 2018-2019 جىلدارى ارالىعىندا شارۋاشىلىقتا قورشاعان ورتانى قورعاۋ زاڭدىلىعى ساقتالماعانى بەلگىلى بولدى. مال باسىنىڭ سانى نەگىزسىز وسكەن. جوبا بويىنشا 40 مىڭ باس, ال شىن مانىندە 50 مىڭ باستان استام شوشقا باققان. اعىندى سۋ بايباقتى وزەنىنىڭ ارناسىن لاستاعان. سەرىكتەستىك ەكولوگيا كودەكسىن ساقتاماي, اكىمشىلىك قۇقىق بۇزۋ كودەكسى بويىنشا ءۇش ءىس قوزعالدى. بارلىعى 7 ميلليارد تەڭگەدەن استام شىعىن ەسەپتەلىپ, ايىپپۇل سالىندى. كاسىپكەر زاڭ بويىنشا 1 ايدا تولەۋى ءتيىس. ەگەر تولەمەسە, بۇل ءىس تە سوتقا جولدانادى", دەدى وبلىستىق ەكولوگيا دەپارتامەنتىنىڭ باسشىسى نۇرجان اققۇل.
نۇسقاما مەرزىمىندە ورىندالماسا, كاسىپورىننىڭ شارۋاشىلىق قىزمەتىن ۋاقىتشا توقتاتۋ تۋرالى سوتقا تالاپ-ارىز جولدانادى.