اتىراۋ قالاسىندا 18 جاستاعى جىگىت سۇيگەنىنە ءسوز سالعان سوڭ جاستار ساياباعىندا پيروتەحنيكالىق بۇيىمدارمەن وتشاشۋ ۇيىمداستىرعانى ءۇشىن جازاعا تارتىلدى, دەپ حابارلايدى Egemen.kz.
جاس جىگىت وسىلايشا كارانتيندىك شەكتەۋ شارالارىنىڭ تالابىن بۇزدى. وسىعان وراي پوليتسيا قىزمەتكەرلەرى جاس جىگىتكە قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 436-بابى 2-بولىگى («ارنايى بولىنبەگەن ورىنداردا پيروتەحنيكالىق بۇيىمداردى قولدانۋ») نەگىزىندە اكىمشىلىك حاتتاما تولتىردى.
«سوتتا قۇقىق بۇزۋشى كىناسىن مويىنداپ, قوعامدىق ءتارتىپتى بۇزعانى ءۇشىن كەشىرىم سۇرادى. اتىراۋ قالاسىنىڭ مامانداندىرىلعان اكىمشىلىك سوتىنىڭ قاۋلىسىمەن قۇقىق بۇزۋشى كىنالى دەپ تانىلدى», - دەپ حابارلادى وبلىستىق سوتتىڭ ءباسپاسوز قىزمەتى.
ەر ادامعا 38 892 تەڭگە كولەمىندە ايىپپۇل سالىندى.