اتىراۋدىڭ ەكى تۇرعىنى 71 جاستاعى زەينەتكەردى توناعان. بۇل تۋرالى وبلىستىڭ پوليتسيا دەپارتامەنتى مالىمدەدى, دەپ حابارلايدى Egemen.kz.
پوليتسيا دەپارتامەنتى ءباسپاسوز قىزمەتىنىڭ مالىمەتىنشە, قالانىڭ ەكى تۇرعىنى «تۇرعىندار قالاشىعى» شاعىن اۋدانىندا تۇراتىن زەينەتكەردى توناپ كەتكەن.
پاتەردىڭ ەسىگىن اشقان زەينەتكەرگە ۇرىلار كۇش كورسەتىپ, اقشاسىن, ۇيالى جانە راديو تەلەفونىن, التىن القاسى مەن سىرعاسىن تارتىپ الىپ, وقيعا ورنىنان بوي تاسالاعان. الايدا ۇرىلاردىڭ تايراڭداۋى ۇزاققا سوزىلمادى.
«اتالعان قىلمىستى جەدەل اشۋ ماقساتىندا تاجىريبەلى قىزمەتكەرلەردەن ارنايى جەدەل توپ قۇرىلدى. ىزدەستىرۋ ءىس-شاراسى كەزىندە كۇدىكتى ەكى ازامات انىقتالىپ, ۇستالدى. تەكسەرۋ كەزىندە 71 جاستاعى ازاماتشاعا 479 000 تەڭگە زالال كەلگەنى, سونىمەن قاتار, كۇدىكتىلەردىڭ بىرەۋى بۇرىن ۇرلىق قىلمىسى ءۇشىن سوتتالعانى انىقتالدى», - دەپ حابارلادى وبلىستىق پوليتسيا دەپارتامەنتى باستىعىنىڭ ورىنباسارى نۇرحات ورازباەۆ.
قازىر كۇدىكتىلەرگە قاتىستى قر قىلمىستىق كودەكسىنىڭ 191-بابى 3-بولىمىمەن سوتقا دەيىنگى تەرگەۋ جۇرگىزىلىپ جاتىر.