"ادال" پارتياسىنىڭ سايتى كۇرمەۋلى ماسەلەلەردى قوزعايتىن بولادى

بريفينگتە ءسوز باستاعان "ADAL" پارتياسىنىڭ وكىلى ءانۋار كەرەمباەۆ وسى سەرۆيستىڭ جۇمىسىنا جانە پايدالانۋشىلار تاراپىنان تۋىنداعان بىرقاتار سۇراققا قاتىستى جاۋاپ بەردى.

"وسى مىندەتتەردىڭ بارلىعىن قامتۋ ءۇشىن سايتتى التى ءتۇرلى بلوكقا بولدىك. ءار بلوكتاعى اقپاراتتى قالىپتاستىراتىن تۇرعىنداردىڭ وزدەرى. مۇندا رەسمي اقپاراتتان بولەك, ەل تۇرعىندارى اراسىندا ساۋالناما مەن وزگە دە الەۋمەتتىك زەرتتەۋلەر ناتيجەسى بەرىلگەن. مىسالى, نۇر-سۇلتان قالاسىن الاتىن بولساق, ءسىزدىڭ ايماعىڭىزدىڭ ماسەلەسى بلوگىندا قالانىڭ جالپى بيۋدجەتى, قاي سالاعا قانشا جۇمسالاتىنى كورسەتىلگەن. وسىنداي ساۋالناما ناتيجەسىندە تۇزىلگەن وزەكتى ماسەلەلەر دە داۋىس سانىنا قاراي رەيتينگكە يە بولدى. سايتقا كىرىپ ءسىز دە بۇل ماسەلەنىڭ قانشالىقتى وزەكتى, نە وزەكتى ەمەس ەكەنىن لايك, ديزلايك باسۋ ارقىلى بىلدىرە الاسىز. ناتيجەسىندە قاي سالاعا كوبىرەك نازار اۋدارىپ, قارجى باعىتتاۋ قاجەت ەكەنى ايقىن بولادى", دەيدى ءانۋار كەرەمباەۆ. 

ءانۋار كەرىمباەۆ سايت تەك اقپارات تاراتىپ قانا قويماي, ەلدىڭ تۇكپىر-تۇكپىرىندەگى ءارى-ءسارى حالىقتىڭ جەكە باس ماسەلەسى, قوعامداعى كۇرمەۋلى ماسەلەلەردىڭ شەشىمى تابىلىپ, پارتيا وكىلدەرىنىڭ نازارىنا ۇسىنىلاتىنىن العا تارتادى.

وعان قوسا, جەرگىلىكتى حالىق جۇمىسسىز رەتىندە تىركەلىپ, كاسىپ اشۋ ءۇشىن يدەيالار الۋ سەكىلدى سەرۆيسكە قول جەتكىزە الادى ەكەن. وسىعان بايلانىستى پارتيانىڭ جەرگىلىكتى وكىلدەرى وسى ماسەلەلەردى شەشۋ ءۇشىن جۇمىس ىستەيدى. سايتتىڭ سەرۆيستىك قىزمەتى تومەندەگى ماسەلەلەردى قاراستىرادى: 

1.ء"سىزدىڭ ايماعىڭىزدىڭ ماسەلەلەرى".ء وڭىردىڭ ەڭ وزەكتى ماسەلەلەرىن كورۋگە مۇمكىندىك بەرەدى. سونىمەن قاتار, ءاربىر جەرگىلىكتى تۇرعىن وسى نەمەسە باسقا ماسەلەنىڭ وزەكتىلىگى ءۇشىن داۋىس بەرە الادى نەمەسە سايتتا ءالى ايتىلماعان نارسە تۋرالى جازا الادى. الداعى ۋاقىتتا بارلىق وتىنىشتەر پارتيانىڭ وڭىرلىك وكىلىنە تىكەلەي جىبەرىلەتىن بولادى. 

2."جۇمىس ىزدەۋ". ساۋالنامانى تولتىرعاننان كەيىن پايدالانۋشىعا ونىڭ ەرەكشەلىگى بويىنشا جۇمىس ۇسىنىلادى. ەگەر قولايلى جۇمىس تابىلماسا, پارتيانىڭ ايماقتىق وكىلى بۇل ادامنىڭ دەرەكتەرىن جۇمىسپەن قامتۋ ورگاندارىنا تاپسىرادى. سونداي-اق, پارتيا جۇمىسسىز رەتىندە تىركەلۋ جانە جاردەماقى الۋ تۇرعىسىنان كومەك كورسەتە الادى.

3.ء"سىزدىڭ ايماعىڭىزعا ارنالعان بيزنەس-يدەيالار". پارتيا ساراپشىلارى وڭىرلەردىڭ قاجەتتىلىكتەرىن تالداپ, قر ءار ءوڭىرىنىڭ بيزنەسى ءۇشىن بيزنەس جوبالار ءتىزىمىن جينادى. ءوز بيزنەسىن اشقىسى كەلەتىن پايدالانۋشىلار نەگىزگى بيزنەس-جوسپاردى دەرەۋ تەگىن جۇكتەي الادى, ونى پارتيانىڭ ايماقتىق وكىلدەرىنىڭ كومەگىمەن اياقتاۋعا بولادى. 

4."الەۋمەتتىك ليفتىلەر". بۇل قىزمەت از قامتىلعان وتباسىلارعا كومەكتەسۋ ءۇشىن جاسالعان. مۇندا پايدالانۋشىلار پارتيا وكىلدەرىنەن بالالارىنا ارنالعان وقۋ ورنىن تاڭداۋدى سۇراۋعا مۇمكىندىك الادى. سونداي-اق, مۇندا قاجەتتى كومەك سۇراۋعا بولادى: جاتاقحاناداعى ورىن, تەگىن وقۋ مۇمكىندىگى جانە ت.ب. ايماقتىق وكىل بۇل ماسەلە تۋرالى بىردەن ءبىلىپ, ونى شەشۋگە كومەكتەسەدى.

5."Adal-bagdar". بۇل قىزمەت اتا-انالارعا بالاعا بولاشاق پروفەسسيانى تاڭداۋعا كومەكتەسەدى. بۇدان باسقا, سەرۆيستە 694 ماماندىق بويىنشا اقپارات, كاسىپتىڭ ەگجەي-تەگجەيلى سيپاتتاماسى, جۇمىس ەرەكشەلىكتەرى جانە ت.ب. بار 500 پروفەسسيوگرامما ۇسىنىلعان.

6."ADAL اقپاراتتىق-تالداۋ جۇيەسى". بۇل سەرۆيس قازاقستاننىڭ ينتەراكتيۆتى كارتاسى بولىپ تابىلادى جانە ءوز ەلىنە جاڭاشا كوزقاراسپەن قاراۋدى ۇسىنادى. ADAL ااج ەلىمىزدىڭ ءاربىر تۇرعىنىنا ءوزىنىڭ ەلدى مەكەنى تۋرالى, ونىڭ پروبلەمالارى, دامۋ پەرسپەكتيۆالارى, جۇمىسسىزدىق اۋقىمى, حالىقتىڭ نەگىزگى تابىس كوزدەرى تۋرالى اقپارات الۋعا مۇمكىندىك بەرەدى. بيزنەس ءۇشىن سەرۆيس كاسىپورىنداردىڭ نەگىزگى قاجەتتىلىكتەرى, جەرگىلىكتى كاسىپورىنداردىڭ جۇكتەلۋ دەڭگەيى جانە ءوڭىر قاجەت ەتەتىن وزەكتى تاۋارلار تۋرالى اقپاراتتى قاراستىرادى.