الەۋمەتتىك قىزمەتتەر پورتالىن ىسكە قوسقان اعىمداعى جىلدىڭ باسىنان بەرى ول ارقىلى مۇگەدەكتىگى بار ادامدار ءۇشىن 25,3 مىڭ وڭالتۋدىڭ تەحنيكالىق قۇرالى بەرىلدى, 430-دان استام ادام ارنايى الەۋمەتتىك قىزمەتتەرگە تاپسىرىس بەردى.
پورتال مۇگەدەكتىگى بار ادامدارعا وتق ءوندىرۋشى مەن جەتكىزۋشىنى ءوز بەتىنشە تاڭداۋعا مۇمكىندىك بەرەدى. كومەكتىڭ كەپىلدىك بەرىلگەن تۇرىنە تاپسىرىس بەرۋ ەلەكتروندىق تسيفرلىق قولتاڭبا ارقىلى جۇزەگە اسىرىلادى. تاپسىرىس بەرىلگەن وتق-نى جەتكىزۋ ارقىلى نەمەسە ءوز بەتىنشە الىپ كەتۋگە بولادى.
مۇگەدەكتىگى بار ادامداردى وڭالتۋ قۇرالدارىمەن قامتاماسىز ەتۋ پروتەزدىك-ورتوپەديالىق, سۋردوتەحنيكالىق, تيفلوتەحنيكالىق جانە گيگيەنالىق قۇرالداردى, سونداي-اق كرەسلو-اربالاردى ۇسىنۋدى قامتيدى.
قازىرگى ۋاقىتتا پورتالدا وتق-نىڭ 55 ءتۇرىنىڭ 24-ءى قولجەتىمدى. ولاردى جەكە تاڭداۋ قاجەت ەمەس. وتق-نىڭ جەكە تاڭداپ بەرۋدى قاجەت ەتەتىن قالعان تۇرلەرى 2021 جىلى پورتالعا اۋىستىرىلاتىن بولادى.
قازان ايىندا پورتال ارقىلى جەكە كومەكشىلەر مەن ىمداۋ ءتىلى ماماندارىنىڭ قىزمەتتەرىنە تاپسىرىس بەرۋ, سونداي-اق ساناتورلىق-كۋرورتتىق ەمدەۋ مەكەمەسىن تاڭداۋ بويىنشا فۋنكتسيول پيلوتتىق رەجيمدە ىسكە قوسىلدى. اعىمداعى جىلعى 7 جەلتوقسانداعى جاعداي بويىنشا جەكە كومەكشىنىڭ قىزمەتتەرىنە 143, ىمداۋ ءتىلى مامانىنىڭ قىزمەتتەرىنە 134 جانە ساناتورلىق-كۋرورتتىق ەمدەۋگە 157 تاپسىرىس جاسالعان.
ەسكە سالا كەتەيىك, ەلەكتروندىق رەسۋرس مۇگەدەكتىگى بار ادامداردى قاجەتتى قىزمەتتەرمەن جانە جەتكىزۋشىدەن تىكەلەي وتق-مەن قامتاماسىز ەتۋ ماقساتىندا ازىرلەنگەن.
قازىرگى ۋاقىتتا پورتالدا 1,2 مىڭنان استام ءونىم جەتكىزۋشى تىركەلگەن, ولاردىڭ ىشىندە 782-ءسى ارناۋلى الەۋمەتتىك قىزمەت كورسەتەدى, ال 25-ءى وتق ۇسىنادى. مينيسترلىك جەتكىزۋشىلەردىڭ سانىن ارتتىرۋ بويىنشا بەلسەندى جۇمىس جۇرگىزۋدە.
«الەۋمەتتىك قىزمەتتەر پورتالى» اۆتوماتتاندىرىلعان اقپاراتتىق جۇيەسىن ەنگىزۋ مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار شەڭبەرىندە كوزدەلگەن.
1411 ءنومىرى بويىنشا كولل-ورتالىقتان پورتالدى پايدالانۋ بويىنشا كونسۋلتاتسيا الۋعا بولادى.