وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ اقپاراتىنا سۇيەنسەك, وتكەن تاۋلىكتە 31 ادامنىڭ كوروناۆيرۋس ينفەكتسياسىن جۇقتىرعانى پتر-تەست ناتيجەسىندە انىقتالدى, دەپ حابارلايدى Egemen.kz.
«ناۋقاستاردىڭ بەسەۋى اتىراۋ قالاسىندا انىقتالدى. تەڭىز كەنىشىندە 23 جۇمىسشىدان, جىلىوي اۋدانىندا 3 ادامنان قاۋىپتى ىندەتتىڭ بەلگىسى تابىلدى. سوڭعى تاۋلىكتە كوروناۆيرۋس ينفەكتسياسىن جۇقتىرعانداردىڭ باسىم بولىگى كەزەكتى مەديتسينالىق تەكسەرىس كەزىندە انىقتالعان. ناۋقاستاردىڭ بارلىعىندا ينفەكتسيا سيمپتومسىز تۇردە ءوتىپ جاتىر» -دەپ حابارلادى باسقارمانىڭ ءباسپاسوز قىزمەتى.
وبلىستىق ينفەكتسيالىق ستاتسيوناردا 32, اۋداندارداعى ستاتسيوناردا 8 ناۋقاس ەمدەلىپ جاتىر. تەڭىز كەنىشىندەگى ينفەكتسيالىق ستاتسيوناردا ەمدەلىپ جاتقان ناۋقاستار سانى 102 ادامعا جەتىپ وتىر. ال ءۇي جاعدايىندا 136 ادام ەمدەلۋدە.