اتىراۋدا سالىنىپ جاتقان 8 قاباتتى تۇرعىن ءۇي كەشەنىنەن ءورت شىقتى, - دەپ حابارلايدى Egemen.kz
وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ اقپاراتىنا سۇيەنسەك, ءورت 12 مينۋتتا سونىرىلگەن.
«دەپارتامەنتتىڭ ديسپەتچەرلىك پۋلتىنە اتىراۋ قالاسىنىڭ سەيفۋللين كوشەسىندەگى تۇرعىن ءۇي كەشەنىنىڭ 3-ءشى قاباتى ورتەنگەنى تۋرالى حابار ءتۇستى. وقيعا ورنىنا جەدەل جەتكەن ءورت سوندىرۋشىلەر 30 شارشى مەترلىك بولمەدە جىلۋ ەلەكتر قۇرىلعىلارى مەن پلاستيكالىق تەرەزەنىڭ ورتەنگەنىن انىقتادى. جالىندى سوندىرۋگە 9 قىزمەتكەر مەن 2 تەحنيكا جۇمىلدىرىلدى. ءورت ساعات 12:04-تە وقشاۋلاپ, ساعات 12:07-دە ءسوندىرىلدى» دەپ حابارلادى دەپارتامەنتتىڭ ءباسپاسوز قىزمەتى.
الدىن الا بولجامعا سايكەس ءورت ەلەكتر سىمدارىنىڭ قىسقا تۇيىقتالۋىنان شىققان.