تۇركىستان وبلىسى شاردارا اۋدانىندا تۇڭعىش پرەزيدەنت كۇنىنە وراي 40 وتباسى باسپانالى بولدى. ءتورت قاباتتان تۇراتىن ۇيدەگى پاتەرلەر تۇرعىن ءۇي كەزەگىندە تۇرعان كوپبالالى انالارعا, ءى,ءىى توپ مۇگەدەكتىگى بار ازاماتتارعا, اتا-اناسىنىڭ قامقورلىعىنسىز قالعان بالالارعا, بيۋدجەتتىك مەكەمەدە جۇمىس ىستەيتىن قىزمەتكەرلەرگە جانە از قامتىلعان وتباسىلارعا بەرىلدى, دەپ حابارلايدى Egemen.kz
مەرەكەلىك شاراعا قاتىسقان اۋدان اكىمى قايرات جولدىباي باسپانالى بولعانداردى قۋانىشتارىمەن قۇتتىقتادى. ء"وز ءۇيىڭ ولەڭ توسەگىڭ دەگەن ۇلاعاتتى ءسوز بار حالقىمىزدا. تاعاتسىزدانا كۇتىپ, ءوز باسپانالارىڭىزدىڭ كىلتىن الىپ, قۇتتى قادام جاساعالى وتىرسىزدار! مەملەكەت تاراپىنان قولعا الىنعان "نۇرلى جەر" باعدارلاماسىنىڭ اياسىندا سالىنعان تۇرعىن ءۇي كەشەنى ارقاشان يگىلىكتەرىڭىزگە جاراپ, بەرەكەلى شاڭىراققا اينالا بەرسىن", دەدى اۋدان اكىمى.
ايتا كەتەيىك, بيىل اۋدانداعى تۇرعىن ءۇي قۇرىلىسى وتكەن جىلمەن سالىستىرعاندا 51 پايىزعا ارتقان.