اتىراۋدا ينفەكتسيالىق ستاتسيونارلاردا 89 ناۋقاس ەمدەلىپ جاتىر, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنە سۇيەنسەك, وتكەن تاۋلىكتە 17 ادام كوروناۆيرۋس ينفەكتسياسىن جۇقتىرىپ الدى.
«قاۋىپتى ىندەتكە شالدىققان ناۋقاستاردىڭ ۇشەۋى اتىراۋ قالاسىندا تىركەلگەن. سونداي-اق تەڭىز كەنىشىندە 11 جۇمىسشىدان, جىلىوي, يندەر, قۇرمانعازى اۋداندارىندا ءۇش ادامنان سovid-19 ينفەكتسياسى انىقتالدى. ناۋقاستاردىڭ التاۋىندا اۋرۋ سيمپتومدى تۇردە ءوتىپ جاتىر» دەپ ءمالىم ەتتى باسقارمانىڭ ءباسپاسوز قىزمەتى.
وتكەن تاۋلىكتە ءۇي جاعدايىندا ەم العان 3 ادام كوروناۆيرۋس ينفەكتسياسىنان جازىلىپ شىقتى.
قازىر ءۇي جاعدايىندا 153 ادام ەمدەلۋدە. ال وبلىستىق ينفەكتسيالىق ستاتسيوناردا 36 ناۋقاس, اۋدانداردعى ينفەكتسيالىق ستاتسيوناردا 7, تەڭىز كەنىشىندەگى ينفەكتسيالىق ستاتسيوناردا 46 ادام ەم قابىلداپ جاتىر.