توتەنشە جاعدايلار مينيسترلىگىنىڭ اقپاراتىنا قاراعاندا, جىل سايىن گاز باللون قوندىرعىلارى جارىلىسىنىڭ 30-عا جۋىق وقيعاسى تىركەلەدى, بۇل رەتتە شامامەن 10 ادام قازا تابادى جانە 50-گە جۋىق ادام جاراقات الادى. مىسالى, 2018 جىلى – 39 جارىلىس بولىپ, 4 ادام قازا تاپتى, 68 ادام زارداپ شەكتى, 2019 جىلى – 27 جارىلىستا 10 ادام قازا تاپتى, 41 ادام زاقىمداندى, 2020 جىلعى 10 ايدا – 21 جارىلىستىڭ كەسىرىنەن 9 ادام قازا تاۋىپ, 38 ادام زارداپ شەكتى.
قازا بولۋدىڭ نەگىزگى سەبەپتەرى تۇرمىستىق گاز قۇرىلعىلارىن پايدالانۋ كەزىندە ءورت قاۋىپسىزدىگى تالاپتارىنىڭ بۇزىلۋى, ءتۇتىن جانە جەلدەتۋ ارنالارىنىڭ تارتپاۋى, گاز جابدىعىنىڭ ءتۇتىن ارناسىمەن جالعاستىرۋشى قۇبىرلارى گەرمەتيكالىعىنىڭ ناشارلاۋى, جاپقىشتى جابۋ, اقاۋى بار پەشتەر مەن گاز قازاندىعىن پايدالانۋ, ءۇي-جايلاردى جىلىتۋ ءۇشىن گاز پليتالارىن پايدالانۋ بولىپ تابىلادى.
توتەنشە جاعدايلار مينيسترلىگى تۇرمىستا گاز جابدىقتارىن پايدالانۋ قاۋىپسىزدىگى بويىنشا نەگىزگى تالاپتاردى ەسكە سالادى.
گازبەن جابدىقتاۋ جۇيەلەرى وبەكتىلەرىنىڭ قاۋىپسىزدىگى جونىندەگى تالاپتارعا سايكەس گاز تولتىرىلعان باللونداردى ساقتاۋعا ارنالعان قويمالار جەڭىل ۇلگىدەگى جابىندارى بار ءبىر قاباتتى ءۇي-جايلاردا ساقتالۋى ءتيىس.
گاز باللونداردى ساقتاۋعا ارنالعان قويمالاردىڭ قابىرعالارى, ارالىقتارى, جابىندارى وتقا توزىمدىلىكتىڭ ءىى دارەجەسىنەن تومەن ەمەس جانبايتىن ماتەريالداردان جاسالىپ, تەرەزەلەرى مەن ەسىكتەرى سىرتقا قاراي اشىلاتىن بولۋى كەرەك.
تۇرمىستىق گاز اسپاپتارىن پايدالانۋ كەزىندە جيھازدى جانە باسقا جانعىش ماتەريالداردى ورنالاستىرۋ جاقىن جەردەگى ۆەرتيكال قاباتقا دەيىن كولدەنەڭىنەن كەمىندە 0,2 م جانە وسى بۇيىمدارعا جاقىن جەردە ىلىنگەن كولدەنەڭ قاباتتىڭ ۇستىنە دەيىن تىگىنەن كەمىندە 0,7 م قاشىقتىقتا بولۋى قاجەت.
تۇرمىستىق گاز اسپاپتارىن (ونىڭ ىشىندە اسحانا پليتالارىن, سۋ جىلىتاتىن قازانداردى, گاز مۇنارالارىن) گازبەن جابدىقتاۋعا ارنالعان گاز باللوندارى (جۇمىس جانە قوسالقى) عيماراتتاردان تىس جاپسارلاس سالىنعان ۇيلەردە نەمەسە عيماراتقا, تسوكولدىك جانە جەرتولە قاباتتارىنا كىرەتىن جەرلەردەن كەمىندە 5 م قاشىقتىقتاعى قابىرعانىڭ تۇيىق ارالىق قابىرعاسىندا جانبايتىن ماتەريالداردان جاسالعان شكافتاردا ورنالاستىرىلۋى ءتيىس.
گاز باللوندارىنا ارنالعان جاپسارلاس سالىنعان قۇرىلىستار مەن شكافتار ق ۇلىپتالىپ جانە جەلدەتۋ ءۇشىن جاليۋزيمەن, سونداي-اق «وتقا قاۋىپتى. گازى بار باللوندار» دەگەن ەسكەرتۋ جازۋىمەن قامتاماسىز ەتىلگەنى ءجون.
ورناتىلعان تاباندىقتارى بار تولتىرىلعان باللوندار تىك قالپىندا, تاباندىقتارى جوق باللوندار كولدەنەڭىنەن اعاش جيەكتەمەلەردە نەمەسە سورەلەردە كولدەنەڭ قالپىندا ساقتالادى. باللونداردى قۇلاۋدان ساقتاندىرۋ ءۇشىن ولار جابدىقتالعان ۇيالارعا, تورشالارعا قويىلادى نەمەسە بوگەتپەن قورشالادى.
اشىق الاڭداردا ساقتاعاندا تاباندىقتارى بار باللونداردى كولدەنەڭ قاتارلار اراسىنا ارقاننان, قىرلى بورەنەلەردەن نەمەسە رەزەڭكەدەن جاسالعان توسەممەن قاتار-قاتار قويۋ كەرەك.
باللونداردى قاتار-قاتار قويعان كەزدە سوڭعىلارىنىڭ بيىكتىگى 1,5 مەتردەن استام بولماۋى ءتيىس.
توتەنشە جاعدايلار مينيسترلىگى ازاماتتاردى گاز باللونداردى پايدالانۋ جانە ءورت قاۋىپسىزدىگى قاعيدالارىن ساقتاۋعا شاقىرادى.