ىندەتپەن كۇرەسكە ستۋدەنتتەر تارتىلدى

وسكەمەن, ريددەر جانە شە­مونايحا اۋدانىنىڭ ينفەك­تسيالىق ستاتسيونارلارىندا 19 قاراشادان باس­تاپ جۇمىس تو­بى­نىڭ قۇرا­مىنا «سەمەي مەم­لەكەتتىك ۋني­ۆەرسيتەتىنىڭ» بالالار ينفەكتسيالىق اۋرۋلار كافە­دراسىنىڭ مەڭگەرۋشىسى, جو­عارى ساناتتى دارىگەر يمدات ەفەنديەۆ پەن انەستەزيولوگيا, رەانيماتولوگيا جانە نار­­كولوگيا كافەدراسىنىڭ اس­سيس­تەنتى داۋلەت توكەنوۆ ارالاس­تى. ولار پاتسيەنتتەردىڭ جاع­دايىنا تالداۋ جاساۋدى قولعا العان. سونىمەن قاتار 19 قارا­شادان باستاپ ءموبيلدى بري­گادالاردىڭ قۇ­رامىنا, كوروناۆيرۋس ينفەك­تسياسىنىڭ تارالۋىن بولدىرماۋ جونىندەگى ور­تالىققا اتالعان وقۋ ورىن­نىڭ 30 دارىگەر-ينتەرنى تارتىلدى.

كوروناۆيرۋس ينفەكتسيا­سىمەن كۇرەس دەنساۋلىق ساق­تاۋ باسقارماسى مەن شقو تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دە­پار­تامەنتىنىڭ ماماندارىمەن بىرلەسىپ جۇرگىزىلىپ جاتىر. بۇعان دەيىن بۇل جۇمىسقا وسكەمەن فيليالىنىڭ 10 قىزمەتكەرى مەن ستۋدەنتتەرى تارتىلعان ەدى.

سونداي-اق ۋنيۆەرسيتەتتىڭ بەس كافەدراسى COVID-19 ىن­دەتىن جۇقتىرعان ناۋقاس­تار اراسىنداعى ءولىم جاع­دايى­نا تالداۋ جۇرگىزدى. تال­داۋ جۇ­­مىستارى شىعىس قازاق­ستان جانە پاۆلودار وبلىس­تا­رى­نىڭ دەنساۋلىق ساقتاۋ باس­قار­مالارىمەن تىعىز بايلانىس­تا اتقارىلىپ جاتىر. قازىرگى ۋا­قىتتا ينفەكتسيانى انىقتاۋ مەن الدىن الۋ باعىتىنداعى جۇمىستارعا جوعارى وقۋ ورىن­دارىنىڭ 144 قىزمەتكەرى مەن ستۋدەنتتەرى, پروفەسسور-وقى­تۋشىلار, ينتەرناتۋرا ستۋ­دەنتتەرى, رەزيدەنتتەر, ماگيس­ترانتتار مەن دوكتورانتتار جۇ­مىل­دىرىلعان.

دەندەپ تۇرعان دەرتتى اۋىز­دىقتاۋ ءۇشىن ءدارى-دارمەكتەر مەن جەكە قورعانىس قۇ­رال­دارىنىڭ تۇراقتاندىرۋ قورى دا قۇرىلعان. ەمدەۋدىڭ تيىمدىلىگى ءۇشىن كوروناۆيرۋس ينفەكتسياسىنىڭ جەڭىل جانە ورتاشا اۋىرلىعى بار 6 200 ناۋقاستى ءدا­رى-دارمەكپەن قامتاماسىز ەتۋ ەسەبىنەن «فاۆيپيراۆير» پرەپاراتى ساتىپ الىندى. پرەپارات 12 قاراشادان باستاپ پا­تسيەنت­تەردىڭ كەلى­سى­مىمەن وبلىستىڭ اۋرۋحانالارىندا قولدانىسقا ەنگەن.

شىعىس قازاقستان وبلىسى