قىزىلوردا وبلىسى جالاعاش اۋدانىنىڭ اۋرۋحاناسىنىڭ قىزمەتكەرلەرى قارسىلىق اكتسياسىنا شىقتى. ولار مەكەمەدەن ايلىق جالاقى جونىندەگى قارىزدارىن تولىق تولەۋدى تالاپ ەتۋدە.
قىزىلوردا وبلىسى جالاعاش اۋدانىنىڭ اۋرۋحاناسىنىڭ قىزمەتكەرلەرى قارسىلىق اكتسياسىنا شىقتى. ولار مەكەمەدەن ايلىق جالاقى جونىندەگى قارىزدارىن تولىق تولەۋدى تالاپ ەتۋدە.
«دارىگەرلەر اقشانىڭ وزدەرى مەن اياجاندارعا عانا ەمەس, سونىمەن قاتار بۇلارعا كەلەتىن پاتسيەنتتەردە دە جەتىسپەيتىنىن ايتادى. سوندىقتان, ولار ءتيىستى ءدارى-دارمەكتەرىن دە ساتىپ الا الماي وتىر», دەپ مالىمدەدى «جەتىنشى ارنا».
ەرەۋىلگە شىققان اۋرۋحانا قىزمەتكەرلەرى باس دارىگەردىڭ ۋادەسىنە ابدەن تويعاندارىن جەتكىزدى. ولار ەكى ايدان بەرى جالاقىلارىن الا الماي وتىر. ال زەينەتاقى قورىنا اقشا تۇسپەگەنىنە ودان دا كوپ بولعان. وسىنى ايتقان مەديكتەر مەن سانيتارلار بارلىق پالەنىڭ اۋرۋحانا باسشىلىعىنان بولىپ وتىرعانىنا دا سەنىمدى.
«ءبىز مەكەمەنىڭ قارىزى 92 ملن. تەڭگە بولعانىن دا ەستىپ وتىرمىز. اۋرۋحانانى بەنزينمەن, ازىق-ت ۇلىكپەن جانە ءدارى-دارمەكتەرمەن قامتاماسىز ەتىپ وتىرعان كاسىپكەرلەر قارىزدارى ءۇشىن ەسەپشوتتى جاپتىرىپ تاستادى. وسى ەسەپشوت قالاي اشىلادى, ولار سولاي ونداعى اقشالاردىڭ ءبارىن سىپىرىپ الادى, ءبىز تاعى دا جالاقىسىز قالامىز», – دەدى گۇلميرا مادەلحانوۆا.
اۋداندىق ورتالىق اۋرۋحانادا قالىپتاسىپ وتىرعان احۋالعا ونداعى قىزمەتكەرلەر عانا ەمەس, سونىمەن قاتار, پاتسيەنتتەر دە اشۋ ءبىلدىرىپ جاتىر. ولار پالاتانىڭ ىشىندە توڭعاننان قاتا باستاعاندارىن ايتىپ شاعىنادى.
«پالاتالاردا ءجۇرۋدىڭ ءوزى مۇمكىن ەمەس, سۋىقتان اياعىڭ قاتىپ قالادى. جىلىنۋ ءۇشىن ىلعي جامىلعى جامىلىپ وتىرامىز. ەندى مۇنداي جاعدايدا قانداي ەم بولسىن!», – دەيدى ەمدەلۋشىلەردىڭ ءبىرى قالدىگۇل دۇيسەباەۆا.
وسى شاعىمنان كەيىن اۋرۋحاناعا پروكۋراتۋرا قىزمەتكەرلەرى كەلدى. ولار مەديكتەر سوزدەرىنىڭ راسقا شىققانىن مالىمدەدى.
«تەكسەرۋ بارىسىندا اۋرۋحانانىڭ دەبيتورلىق جانە كرەديتورلىق قارىزدارى كورسەتىلگەن اكت تولتىرىلدى. بۋحگالتەريانىڭ جۇمىسىندا دا كەمشىلىكتەر بار ەكەنى انىقتالدى. بۇل اكتىنى ءبىز وبلىستىق قارجى پوليتسياسىنا تاپسىردىق, ەندى سول جاق پروتسەسسۋالدى شەشىم شىعارادى», – دەدى جالاعاش اۋدانىنىڭ پروكۋرورى حاديشا جۇماعۇلوۆا.
اۋداندىق اۋرۋحاناداعى جاعدايدى وبلىستىق دەنساۋلىق ساقتاۋ باسقارماسىنداعىلار دا بىلەدى. مۇنداعى جاعدايدى قازىر ولار دا باقىلاۋدا ۇستاپ وتىر. «ال دارىگەرلەردىڭ جالاقىلارى ەرتەڭ بەرىلە باستايدى», – دەپ سەندىردى باسقارما باستىعىنىڭ ورىنباسارى ساكەن سەرعازيەۆ. سوڭعى ساتتە وبلىستىق ىشكى ساياسات باسقارماسى باستىعىنىڭ مىندەتىن اتقارۋشى ءالىمجان جارىلقاعانوۆ اۋرۋحاناعا 33 ملن. تەڭگە اقشانىڭ جىبەرىلگەنىن جەتكىزدى. وسى اقشا جالاقى رەتىندە بەرىلەدى. ال قارىزدار كەلەسى اپتادا تولىق جابىلادى.
قۇرىش نۇرىمبەت.