پاندەمياعا قاراماستان, مەملەكەتتىك شەكارا ارقىلى زاڭسىز ارەكەت توقتاماۋدى. كارانتيندىك شەكتەۋلەر جاعدايىندا مەملەكەتتىك شەكارانى زاڭسىز كەسىپ ءوتۋ ءۇشىن قولدانىلاتىن امالداردىڭ جاڭا تۇرلەرى پايدا بولدى. بۇل تۋرالى ۇلتتىق قاۋىپسىزدىك كوميتەتىنىڭ ءباسپاسوز قىزمەتى حابارلادى.
ماسەلەن, وتكەن اپتادا «قاراسۋ» (جامبىل وبلىسى – 1 فاكت), «تاجەن» (ماڭعىستاۋ وبلىسى - 1 فاكت), «جايساڭ» (اقتوبە وبلىسى – 1 فاكت), «قاراقوعا» (سقو – 1 فاكت), «قايراق» (قوستاناي وبلىسى – 2 فاكت), «ۋرليۋتوبە» (پاۆلودار وبلىسى – 2 فاكت) اۆتوموبيل وتكىزۋ پۋنكتتەرىندە مەملەكەتتىك شەكارانى زاڭسىز كەسىپ ءوتۋدىڭ كوپتەگەن ارەكەتتەرىنىڭ جولى كەسىلدى.
جۇرگىزۋشىلەر جالعان جۇرگىزۋشى كۋالىكتەرىن قولدانا وتىرىپ, حالىقارالىق جۇك تاسىمالىنىڭ شەكارادان وتۋىنە نەگىز بولاتىن ەكىنشى جۇرگىزۋشىسى رەتىندە شەكارانى زاڭسىز كەسىپ وتۋگە تىرىسقان.
بارلىق كورسەتىلگەن جاعدايلاردا «جالعان قۇجاتتاردى, ءمورتابانداردى, مورلەردى, بلانكىلەردى, پوشتا تولەمىنىڭ مەملەكەتتىك بەلگىلەرىن, مەملەكەتتىك ناگرادالاردى قولدان جاساۋ, دايىنداۋ نەمەسە وتكىزۋ» قازاقستان رەسپۋبليكاسى قك-ءنىڭ 385-بابىندا كوزدەلگەن قىلمىس بەلگىلەرى بويىنشا تەكسەرۋ ماتەريالدارى كولىك قۇرالدارىمەن بىرگە ۋاكىلەتتى ورگاندارعا بەرىلدى.
بۇدان باسقا, ءبىر كۇننىڭ ىشىندە - اعىمداعى جىلعى 18 قاراشادا «قاراسۋ» (جامبىل وبلىسى), «جايساڭ» (اقتوبە وبلىسى), «جاڭا جول» جانە «قاراقوعا» (سقو) وتكىزۋ پۋنكتتەرىندە جالعان قۇجاتتار مەن سايكەستەندىرۋ نومىرلەرى بار اۆتوموبيلدەردى شەكارا ارقىلى زاڭسىز وتكىزۋدىڭ 4 ارەكەتىنىڭ جولى كەسىلدى.
جالپى, كارانتيندىك شەكتەۋلەر كەزەڭىندە, مەملەكەتتىك شەكارانى زاڭسىز كەسىپ ءوتۋ ارەكەتتەرى كەزىندە جالعان جۇرگىزۋشى كۋالىكتەرىن پايدالانعان 113 ادام (قازاقستان - 51, قىرعىزستان - 30, وزبەكستان - 20, تاجىكستان - 7, رف - 5), 35 ادام - جالعان مەديتسينالىق انىقتامالار, سونداي-اق قازاقستاندىق مەديتسينالىق مەكەمەلەردەن جالعان شاقىرۋلارى بار 42 شەتەلدىك انىقتالدى.
قازاقستاندىق شەكاراشىلار شەكارا ارقىلى زاڭسىز ءوتۋ ارنالارىن جابۋ جانە كونتراباندالىق جۇكتەردى وتكىزۋ بويىنشا بەلسەندى ءىس-شارالاردى جالعاستىرۋدا.