پاۆلودار وبلىسىندا اليمەنت بويىنشا بورىشكەرلەر قارىزدارىن وتەۋ ەسەبىنەن پاتەرلەرىنەن ايىرىلدى, - دەپ حابارلايدى Egemen.kz ادىلەت مينيسترلىگىنىڭ ءباسپاسوز قىزمەتىنە سىلتەمە جاساپ.
پاۆلودار وبلىسىنىڭ ادىلەت دەپارتامەنتى وڭىرلىك جەكە سوت ورىنداۋشىلار پالاتاسىمەن بىرلەسىپ اليمەنت بويىنشا بەرەشەكتەردى ءوندىرىپ الۋ جۇمىسىن جالعاستىرىپ كەلەدى.
اتاپ ايتقاندا, جەكە سوت ورىنداۋشى ت.عابباسوۆتىڭ اتقارۋىنداعى وندىرىستەر قاتارىندا بورىشكەرلەرگە تيەسىلى پاتەرلەردى ءوز بەتىنشە ساتۋعا مۇمكىندىك بەرىپ, تۇسكەن شامامەن 7 ملن تەڭگە قارجىنى بالالارى الدىندا پايدا بولعان بەرەشەكتىكتى وتەۋگە جاعداي جاسادى.
بورىشكەرلەردىڭ ءبىرى 2013 جىلدان بەرى كامەلەتكە تولماعان بالالارىنا 5,6 ملن تەڭگە قارىز بولسا, ەكىنشى بورىشكەر 3 جىلدىڭ ىشىندە جالعىز بالاسىنا 1 ملن-نان استام اليمەنت بەرەشەك بولعان.