قالالىق جيتس ورتالىعى 2018-2020 جىلدارعا ارنالعان جاھاندىق قوردىڭ گرانتىن يەلەندى. جوبا ايتۆ-مەن ءومىر سۇرەتىن ادامدارعا, ونىڭ ىشىندە حالىقتىڭ الەۋمەتتىك وسال توپتارىنا پروفيلاكتيكالىق قىزمەت, قامقورلىق پەن قولداۋ كورسەتەتىن ءتورت ۇەۇ-مەن ىنتىماقتاستىقتا بولادى.
«گرانتتى ىسكە اسىرۋ الەۋمەتتىك قورعالماعان توپتاردى جۇمىسپەن قامتۋ ماسەلەلەرىن شەشۋگە كومەكتەسەدى, بارلىعى 50-دەن استام ادام جۇمىسپەن قامتىلعان. پاندەميانىڭ العاشقى تولقىنى كەزىندە 375 وتباسى ازىق-ت ۇلىك پاكەتتەرى مەن بالالارعا ارنالعان كيىم جيىنتىقتارىن الدى. ءدارى-دارمەكپەن قامتاماسىز ەتۋ ءبىر كۇنگە دە توقتاعان جوق. ۇەۇ-نىڭ الەۋمەتتىك قىزمەتكەرلەرى ناۋقاستارعا ءدارى-دارمەك جەتكىزدى, باسقا قىزمەتتەرگە كومەكتەستى», - دەلىنگەن قالالىق جيتس ورتالىعىنىڭ ەسەبىندە.
نۇر-سۇلتان قالاسىندا ايتۆ-مەن ءومىر سۇرەتىن ادامدارعا توقسان سايىن 5 اەك - 13 890 تەڭگە, سونداي-اق 2,5 اەك - 6 945 تەڭگە - 1 جەلتوقسان - دۇنيەجۇزىلىك جيتس-كە قارسى كۇرەس كۇنىنە الەۋمەتتىك كومەك كورسەتىلەدى.
ايتۆ جۇقتىرعان بالالارعا تولەنەتىن الەۋمەتتىك تولەمدەردىڭ مولشەرىن ارتتىرۋ بويىنشا جۇمىس جۇرگىزىلدى.
«2020 جىلدىڭ قازان ايىنان باستاپ قالالىق ءماسليحاتتىڭ شەشىمىمەن ايتۆ جۇقتىرعان 18 جاسقا دەيىنگى بالالارعا 25 اەك (69 450 تەڭگە) مولشەرىندە الەۋمەتتىك كومەك كورسەتىلەدى», - دەپ ءتۇسىندىردى جيتس ورتالىعى.
نۇر-سۇلتاندا ادامداردىڭ 95%-ى وزدەرىنىڭ وڭ مارتەبەلەرىن بىلەدى (قازاقستان رەسپۋبليكاسىندا 83%). بۇگىندە ديسپانسەردە 1287 ادام ەسەپتە تۇر, ونىڭ ىشىندە ەر ادامدار - 785 (61%), ايەلدەر - 502 (39%), ونىڭ ىشىندە فەرتيلدى جاستاعى ايەلدەر - 432 (33%). فەرتيلدى جاستاعى ايەلدەر اراسىندا 184 تۋىلۋ تىركەلدى. ونىڭ ىشىندە ايتۆ جۇقتىرعان 5 ايەل ءۇش جانە ودان دا كوپ رەت جۇكتى بولىپ, دەنى ساۋ بالا تۋدى.
«ولاردىڭ بارلىعى ارت-دان جۇكتىلىككە دەيىن جانە جۇكتىلىك كەزىندە ءوتۋى كەرەك بولاتىن. بۇگىنگى تاڭدا جيتس ورتالىعىندا 18 جاسقا دەيىنگى 20 ناۋقاس ەسەپتە تۇر», - دەلىنگەن حابارلامادا.