بۇل تۋرالى اۋەلى الەۋمەتتىك جەلىدە اقپارات تارادى. وقىس وقيعا 18 قاراشادا اتىراۋ قالاسىنداعى «جۇلدىز» شاعىن اۋدانىندا بولىپتى.
وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى بۇگىن تاراتقان اقپاراتىنا قاراعاندا, قاباعان يت تالاعان ەكى جاسار بالا 18 قاراشادا ساعات 16.00-دە وبلىستىق بالالار اۋرۋحاناسىنا جەتكىزىلىپتى.
«سارسەنبى كۇنى اۋرۋحاناعا جەتكىزىلگەن بالاعا العاشقى مەديتسينالىق كومەك كورسەتىلدى. يت تىستەگەننەن قالعان جارالارعا حيرۋرگيالىق وڭدەۋ جاسالدى. بالانىڭ باسى مەن قولىنا ورتاشا دەڭگەيدە زاقىم كەلگەن. جارالارى تاڭىلىپ, ەم بەرىلۋدە. قازىر بالا تراۆماتولوگيا بولىمىندە اناسىمەن بىرگە جاتىر» دەدى دارىگەر-تراۆماتولوگ جاقسىلىق ماعزوموۆ.