قازاقستان رەسپۋبليكاسىنىڭ "تۇرعىن ءۇي قاتىناستارى تۋرالى" جاڭا زاڭ كۇشىنە ەندى, ول بويىنشا 2022 جىلدىڭ 1 شىلدەسىنەن باستاپ پيك-تەر كۇشىن جويادى. ولاردىڭ ورنىن جاي سەرىكتەستىكتەر (جس) مەن مەنشىك يەلەرى بىرلەستىكتەرى (ميب) الادى, دەپ حابارلايدى Egemen.kz.
"ميب-ءتى تىركەۋ كەزىندە پاتەر يەلەرى ءجيى كەزدەسەتىن پروبلەمالىق ماسەلەلەردى قاراستىرايىق:
1. ۇجاتتاردى دايىنداۋ كەزىندە جينالىس حاتتاماسىنىڭ جانە ساۋالناما پاراقتارىنىڭ ۇلگىلىك نىساندارىن قولدانىڭىز.
جينالىس حاتتاماسى, ساۋالناما پاراقتارى ەركىن نىساندا جاسالعان نەمەسە ولاردا قاتەلىكتەر جىبەرىلگەن جاعدايدا تىركەۋشى ورگان قۇجاتتاردى جونگە كەلتىرۋگە قايتارا الادى.
جينالىس حاتتاماسى, ساۋالناما پاراقتارىن قر يقم-ءنىڭ 2020 جىلعى 30 ناۋرىزداعى №163 بۇيرىعىمەن بەكىتىلگەن ەرەجەگە سايكەس ۇلگىلىك نىساندار بويىنشا دايىندالۋى كەرەك. داۋىس بەرۋ پاراقتارى نومىرلەنىپ, حاتتامامەن بىرگە تىگىلۋى كەرەك.
2. ميب جارعىسىن تىركەۋ ورگانىنا ۇسىنۋعا ەكى تىلدە دايىنداڭىز: مەملەكەتتىك تىلدە (2 دانا) جانە ورىس تىلىندە (2 دانا).
جارعىنى ازىرلەۋ كەزىندە پاتەر يەلەرىنىڭ ءومىرىن جەڭىلدەتۋ ءۇشىن جاسالعان م ۇلىك يەلەرىنىڭ بىرلەستىگىنىڭ ۇلگىلىك جارعىسىن نەگىزگە الۋ دا وڭاي.
ەگەر پاتەر يەلەرى وزدەرىنىڭ ميب جارعىسىن دەربەس ازىرلەۋ تۋرالى شەشىم قابىلداسا, وندا قازاقستان رەسپۋبليكاسىنىڭ "تۇرعىن ءۇي قاتىناستارى تۋرالى" زاڭىنىڭ نەگىزگى نورمالارىن ەنگىزۋ قاجەت.
3. ەگەر سىزگە ميب اتاۋىن تاڭداۋ قيىنعا تۇسسە - تۇرعىن ءۇي كەشەنىنىڭ اتاۋىن نەمەسە كوپقاباتتى ءۇيدىڭ مەكەن-جايىن الىڭىز.
زاڭدى تۇلعانىڭ اتاۋى, قازاقستان رەسپۋبليكاسىنىڭ ازاماتتىق كودەكسىنە سايكەس, باسقا, وسىدان بۇرىن تىركەلگەن زاڭدى تۇلعالاردىڭ اتىن تولىق نەمەسە ەداۋىر قايتالاماۋى كەرەك. سوندىقتان اتاۋدى تاڭداۋ ءجيى قيىنعا سوعادى.
4. زاڭدى تۇلعانىڭ ورنالاسقان جەرى رەتىندە ءسىز ميب كەڭسەسىنىڭ ناقتى مەكەن-جايىن نەمەسە ميب توراعاسىنىڭ ءۇيىنىڭ مەكەن-جايىن كورسەتە الاسىز.
تاجىريبە كورسەتكەندەي, كوپ جاعدايدا ميب توراعاسىنىڭ ناقتى مەكەن-جايى زاڭدى تۇلعانىڭ ورنالاسقان جەرى رەتىندە كورسەتىلەدى.
5. ميب توراعاسىنىڭ كانديداتۋراسىن ونى تۇپكىلىكتى ماقۇلداعانعا دەيىن تەكسەرگەن دۇرىس.
ميب توراعاسى تولىق قابىلەتتى, بانديتيزم, الدىن الا بانكروتتىق قىلمىستارى ءۇشىن وتەلمەگەن جانە الىنباعان سوتتىلىعى, سونداي-اق اتقارۋشىلىق قۇجاتتار بويىنشا قارىزدارى بولماۋى كەرەك.
زاڭنىڭ تالاپتارىنا سايكەس تىركەۋشى ورگان زاڭدى تۇلعانىڭ باسشىسى تۋرالى اقپاراتتى تەكسەرەدى جانە سايكەس كەلمەگەن جاعدايدا قۇجاتتاردى مىندەتتى تۇردە قايتارىپ بەرەدى", دەلىنگەن مينيسترلىكتىڭ رەسمي سايتىندا.