پوليتسيا قىزمەتكەرلەرى ايىپپۇلدى تولەمەگەن ادامداردى انىقتاۋ بويىنشا تۇراقتى نەگىزدە رەيدتەر جۇرگىزەدى, دەپ حابارلايدى Egemen.kz Polisia.kz سايتىنا سىلتەمە جاساپ.
"2020 جىلعى 18 قاراشادا پاۆلودار قالاسىندا ن.نازارباەۆ داڭعىلى بويىنداعى 287 ءۇيدىڭ جانىندا "Nissan Sentra" اۆتوكولىگى توقتاتىلدى. كولىك 28 جاستاعى پاۆلودارلىقتىڭ باسقارۋىندا بولدى. دەرەكتەر بازاسىن تەكسەرۋ كەزىندە جۇرگىزۋشىنىڭ جالعان مەملەكەتتىك نومىرلەرى بار اۆتوكولىكپەن ءجۇرىپ-تۇراتىنى جانە اۆتوكولىك ءۇشىن اكىمشىلىك ايىپپۇلدار بويىنشا 1 ملن. 389 مىڭ تەڭگە سوماسىندا بەرەشەگى بار ەكەنى انىقتالدى. 2020 جىلدىڭ 1 قازانىنان باستاپ ول جول قوزعالىسى ەرەجەلەرىن 64 رەت بۇزعانى انىقتالدى, ولاردىڭ بارلىعى فوتو-بەينەتىركەۋ ارقىلى تىركەلدى", دەدى بريفينگتە اكىمشىلىك پوليتسيا باسقارماسىنىڭ باستىعى دۋلات توكەنوۆ.
پوليتسيا جۇرگىزۋشىگە قاتىستى قر اقبتك-ءنىڭ 590-بابىنىڭ 4-بولىگى بويىنشا اكىمشىلىك ءىس قوزعادى. ەندى وعان 20 اەك كولەمىندە ايىپپۇل نەمەسە اۆتوكولىك جۇرگىزۋ قۇقىعىنان ايىرۋ قاۋپى ءتونىپ تۇر.
ءتارتىپ ساقشىلارى "Nissan Sentra" اۆتوكولىگى ارنايى ايىپپۇل تۇراعىنا قويىلعانىن اتاپ ءوتتى, اۆتوكولىك ماتەريال سوتتا قارالعاننان كەيىن جانە بارلىق ايىپپۇلداردى تولەگەننەن كەيىن بەرىلەدى.
ايتا كەتۋ كەرەك, اعىمداعى جىلدىڭ باسىنان بەرى ءتۇرلى بۇزۋشىلىقتار ءۇشىن 2 916 اۆتوكولىك ايىپپۇل تۇراعىنا قامالدى.